我真係好失敗, 做野好唔專心呀
今日明明話要係下午做哂d功課
順便溫下書.....點知功課就做到一半唔想做
跟住仲走左去睇書=.=唉~

不過至少比我搵到一個唔錯既偵探系列
赤川次郎 既偵探小說....幾好睇^^

一陣....真係要做好d功課啦,
仲要溫一陣書....
I.S既dict就唔理啦..果最多18個既英文詞語睇就熟, 唔溫都得~
最煩係d功課><
又多又唔知佢講咩~~~

黃思雅返學補習.....我就可以玩4個鐘^^

呀dad, 星期一記得比果4張20蚊我呀~~
其實重複左果張可以唔洗.....3張得嫁啦^^

17 4 6 16 9 - 9 22 22 6 22 - 22 13 19 14 = 一個人名
我比呀dad估, 唔知佢估唔估到呢
只有我同呀譚知道答案
因為個暗號係我出嫁~
呀dad, 加油加油.....輸左再比一粒糖
yo~yo~!

今日有兩個男仔話我似男仔...
1. terry
2. alan
terry話"佢個樣睇落就係女仔, 但內心就係個男仔"
跟住我同本簿打左佢一野....
仲有, 如果我會驚佢旭我既話, 我就唔會打佢啦~~
alan就.....放學問佢攞糖^^
佢先係微笑.....跟住話星期一, 再跟住即刻走人
走左兩三步轉身"真係直左喎...(頭髮)"
係呀, 第三日至知道...呢個呀爸>^<
我追住佢係佢身後打佢一野....太過份啦
A :嘩~邊個男仔咁大力....(見到我), 咦~原來係女仔黎喎....唉~(即刻走人)
連呀爸都係咁......好傷心呀~~~
仲有, 我外表係女仔, 內心都係女仔, 只係行為上似d男仔...
而且, 我冇男仔咁大力.....我打terry同alan果下都好細力
如果打傷alan冇糖食嫁~~~果陣我仲慘T.T

仲有, 我左邊, 右邊, 右後邊既男仔都係變態, 再加多個king
係我面前....搞野, 講d淫野........唉~我真係練下d EQ
如果唔係我真係會發瘋, 好采後面既yellow B正常d姐~
點解好似成日比人串咁既我???

呀dad果筆一陣再同佢慢~慢~計
我唔做佢個女啦, 做佢個仔好冇?

今日既不祥預感, 都係準~~

掉返之前未掉好既位, 我仍然力保第二行第一個位係我既~~
但呀譚就保唔到, 我地分開左~~~結果
第二行第一個---我
第一行第一個---家富哥
第一行第二個---terry
第二行第二個---yellow b
第三制第一個---豪仔
係我附近既....都係d男仔, 有d仲係非常嘈, 非常可惡, 非常乞人憎
豪仔因為講左d我唔岩聽既野而比我扔
如果佢唔避既話, 我唔會比我扔中果度, 活該!!
不過咁, 如果佢地唔會真係激嬲的既話, 我唔會傷到佢地
terry, 豪, 你兩個同我記住, 第一日就夾攻串我......

放學, 因某d事同余仔打出手..打左一下就比Jeo叫住
J :行啦~余嘉誠, 當眾同女人打架....
哼~洗你咁多事
仲有謝立群....我叫左家富哥同佢講"收皮"....咩叫艷福無邊呀?

d男仔個個都冇個好....間直搏打

呀譚...今日既不祥預感, 準左, 真係好準......
學校冇咩事, 只係頭暈姐. 下午好返好多..

返到屋企...呀爸出去左同盧生打麻雀, 呀媽返黎打比盧生
媽: 盧生, 你以後打麻雀, 唔好再搵佢啦, 佢隻腳傷左, 佢仲周圍走, 遲早廢嫁啦 (其實佢果d都係陳年舊疾)
收左線之後.....
媽: 我成日叫佢抖下, 係都唔聽, 打打打, 咁鐘意打, 遲早打死佢, 我頂住
呀爸返左黎, 見呀媽個樣唔對路, 我起左個眼色比"發火中"
媽: 你返黎做咩呀, 你唔係打麻雀既咩? 仲唔打, 我唔至你啦, 你鐘意打就打飽佢啦
我遲早砍左你對腳, 睇下你點去打麻雀, 死人頭!!!你咁得閒打麻雀唔搵多份工黎做??好有錢呀你?on9
呀爸一直唔出聲.....唔出聲.....忍忍忍
呀爸去左洗手間, 呀媽就穿褸拎袋著鞋開門大力關門...都係係呀爸去緊洗手間果陣做哂
擺明"離家出走"/ "冇眼睇你".....
呀爸仲問"佢走左呀?"......
我同黃思雅只係偶然講d野, 等個feel唔係咁緊...
冇幾耐, 姑婆野黎...."呀貞黎左我果度喎..."  (由順天走去藍田, 兩個字,d車幾時變得咁有效率嫁?)
爸: 佢走左去你果度? 得啦得啦...你叫佢以後唔洗返黎啦, 佢個死仆街(之後好大力咁收線)
呀爸返左工....呀媽冇幾耐又返左黎
佢一邊爆粗, 一邊扔哂呀爸d野出門口......有一樣野仲係今日呀爸突登為我做既書架
佢沖涼, 我借d野出左去, 點知比人執左/扔左......
跟住而家佢仲係度食飯..........
d大人嘈交好煩.......我唔想理咁多
要分就分, 要合就合, 我做女既都冇眼睇你地, 但你地分既話唔該留d錢比我同黃思雅
我地仲要讀書嫁......煩死啦...天日都唔知件事會變成點

alan, bobo你地唔會咁個可, 你地唔會因為咁而嘈個可~~
如果你地都....你地一定唔會既, 我相信你地唔會...
但我而家只得返你地兩個同呀譚, d fd佢地詐.......
你地唔會唔理我個可~~~係咪呀???

暴走的雌龍, 怒吼的雄牛, 到底誰會先卸下憤怒的面具, 回來安撫受驚的小猴和小豬?......要不, 離開的門口, 請自行打開, 且不強留。