我發現自己好白痴...一早做哂d功課, 冇野做
之後有d胃痛....無聊得濟, 竟然同自己個胃嗌交
我 :好痛呀....又胃痛啦
胃 :抵死啦你~
我 :唔好講風涼話, 你乖乖地同我坐返係個位度, 信唔信我唔比野你食!!
胃 :咩呀, 你兇我呀!! 你兇我, 我繼續痛~
我 :夠啦你!
胃 :邊個叫你成日唔食早餐?下午又食鬼死咁多!!!
我 :早上你又唔想食野, 我咪唔食囉; 下午你又肚餓, 我咪食多d囉!!
胃 :你而家賴我啦噃, 如果唔係你, 我本身都唔會咁易辛苦, 係你玩我先詐!
我 :至少我肯食啦~
胃 :我一時空, 一時滿, 你又唔係唔知你既食量大, 我要消化哂佢要用幾多時間呀?
我得閒果陣, 你又唔理我, 我唔得閒果陣你又倒d野落黎!!
我 :你而家同我投訴呀?我見你嘈咁耐, 我至比野你食詐, 你比果陣你又唔食!
胃 :我係投訴呀! 吹呀~你都要考慮下我既容量至得嫁, 你以為我係黑洞呀?
好心你食野既時間準時d啦, 我都要訓教嫁~
我 :你都要訓?
胃 :你歧視我呀? 信唔信我唔幫你消化, 等你吐返哂出黎?
我 :你兇我?
胃 :我係兇你呀! 我而家叫你胃痛就益左你啦, 次次都搞到我咁唔得閒, 但你日食夜食, 食得咁爽,
等你慢慢胃痛, 直到本大王心情好返d為止, 哼!!!
我 :你兇我, 我要同呀譚講你蝦我....
胃 :人地至唔會理你呀~~~~
可能有d唔夠訓, 搞到有少少思覺失調, 胃痛中...... |
