倒數第12日

琴日果然凍親....連訓16個鐘至好返d....
15度仲係度吹風淋雨..跳舞, 果然有d白痴..

今日同呀譚出街, 諗住買信紙信封, 點知搵唔到...
不過就變左食野, 冇計啦, 琴日我冇胃口
所以搞到一日半都冇食過野....因此, 我塊臉瘦左一個圈

呀dad回我既sms
原來佢琴日都見到我係度白痴地跳舞
糗到爆!!!
我唔記得左佢地都係禮堂度練波
我呢個白痴.....T.T
仍地又係, 練波咪練汲囉, 望咩望姐, 專心d啦

倒數13日

joanna真係辛苦, 啦啦隊今日練到6:30pm左右至放
又唔比其他社既人入去...驚死我又抄野咁...我地又唔係啦啦隊

所以我唯有係微雨的操場, 獨自跳舞
轉圈, 踏步, 踢水, 踩水, 撥水, 少少手動作
由於我冇舞蹈底子, 一切只係亂跳
但係真係跳得好開心, 開心到..果一刻好似忘記所有煩惱, 所有人
只有跳舞....仲有雨水同風既伴舞

跳跳下....有d暈, 望上天空...
突然聽到有人歡呼拍手..(初初仲以為弘社既人終於放, 開心到叫..)
之後又聽到"上面呀, 呢度呀..""再跳多次啦"
我嚇呆左, 覺得佢地係度笑我白痴....之後飛去bobo, 譚果邊
又聽到"唔好走呀.."唉, 估唔到d高F. 補課補到咁晚.....好采佢地係5樓...
應該睇唔清我個樣...我又冇戴眼鏡...認唔出掛.........但比人咁笑, 有d糗

比人打擾到我既雅興, 有d不爽
返到屋企....覺得個頭好暈...可能係凍親
話哂都係15度既雨天....但果陣個身好暖....好開心~~
病左都抵!!

倒數14日

唔知點解最近有好多人唔開心, 但係我會支持

馮sir今日上堂上到一半, 突然話 "各位同學, 大家停哂手上既野, 我有野要同大家講.."
仲以為咩事..以為佢又要鬧我地..
點知佢...同我地道歉, 因為佢知道佢係新老師
唔多識教人, 初初收到信...請佢教中四mat同做4b既班主任都呆左..
佢知佢既教法令我地不滿, 令好多人唔開心
所以佢派左d紙比我地寫野....
可以寫向佢發洩之類既野..........好少老師會咁做, 向學生道歉

令我諗到, 馮sir雖然好衰, 但係佢向學生認錯(好有誠意地), 真係令人鼓掌
呢份勇氣, 就算係資深老師都未必有
但我, 連表白既勇氣都未有, 雖然訂好日子
但係, 我驚我會退縮, 如果我都有馮sir既勇氣就好啦...........

倒數15日

今日好平安~
但係見joanna練啦啦隊
既進度好慢, 搞到比人鬧
我同bobo見到都心痛
所以...joanna要我幫手既話, 我都會幫手
無論係幫手諗, 排練, 試範, 買野.....都ok
只要佢出聲, 就算星期六8:00am返學練都冇問題!!!
我係幫fd, 不幫社!!!!
希望joanna練得順順利利啦..

天日test geo...p1-50....oh my god !!
都唔知點溫

秩清既封面設計..星期五到期
個草稿畫左一大半...仲差一個格都搞掂
但係畫邊同上色.....唉....
下星期一..個展板草稿設計就要交...煩
仲有下星期要開始畫個壁報板既設計圖.....煩死

但點煩都唔夠joanna煩....joanna, 加油!!

倒數16日

今日第3堂m痛....
差d痛死我....搞到我成大半堂都趴度.....
連眼淚都自己流左落黎

mat派測卷.....個分真係令我驚訝
有42分, 仲以為唔合格....^^

日本地震..好多漫畫作都生死未卜, 好大打擊.....
仲村佳樹 (華麗的挑戰), 天野明(家庭教師), 惡魔奶爸..
我最鐘意果3個...都冇消息
嗚, 我既心靈之所..冇啦...
唔好死呀....................你地!!