倒數第3日
一笑, 我開心了
再笑, 我提起精神了
三笑, 我對3日後猶疑了

好累.....今日陸運會, 我負責做頒獎的司儀
D人call左n次都唔肯落黎...(我好想講, 唔落黎就冇得拎)
落黎左既人...見其他人未到就閃人, 最後又要再call...
call左, 但上面太嘈, 又聽唔到....搞到好多獎都頒唔到..
放學果陣仲亂!!!
一係唔黎, 一黎就4個獎
搞掂d獎, 又要叫拎獎既人排好, 費事又唔見人
搞掂啦, 又未搵老師頒獎比人....
下面人又多, 又嘈...我又要同台上4個啦啦隊鬥大聲
讀到我死下死下
最慘既係, 我講野果陣"冠軍係xx班..." 佢地成班人就同我玩失蹤!! 搞到我就黎癲
而"佢"搞岩企係我對面....我對住佢好無奈咁笑
佢又對我笑...好似係到講"算啦, 繼續加油.."

心理平衡d了...

倒數第6日

「黑馬效應」呀......
今日見到黑馬, 於是...我地都倒霉死啦..
我 : 一秒撞3次頭 , 因為我彎要執野
第1次, 撞到枱
第2次, 撞到比d書頂起左既膠板
第3次, 撞到書角
痛左我成個小息

bobo:發現自己唔見左張「要釘在簿上的報紙, 但未釘」的報紙
而且...係要交出去功課

譚 :屋企部電腦好似....壞壞地

4B班 :秩清 既分..被扣了49分!!! 計分的人...係黑馬!!!

星期五, 天日放假, 唔洗見到佢, 大好了......

倒數第7日

中史test終於搞掂啦...仲差天日既chm
就過左呢兩個星期既test高峰期
真開心, 心情一好...就有返胃口~~

仲有我, bobo, 發現...如果見到果個衰人
崶一定會有唔好既事發生
我諗佢大概係....克星...
不過今日我就冇見到....所以, 我成日都好開心, 好平安
bobo同譚一返學就見到佢...
所以bobo成日都好黑仔~~我聽到都覺得佢好慘..
唔知呀譚果邊既情況點呢?

倒數第8日

連續第3日冇胃口食野啦....
早餐..冇食
lunch..一盒奶
晚餐..未知

下午出去沙田文化博物館參選
果個導遊講野真係悶到爆
另一隊, 一個鐘睇完2個館...額外多睇一個兒童館
我地一個鐘只係睇到1個.....都冇佢地快...
連帶我地既呀sir都話悶死.....
佢講講下, 我仲胃痛...
但仲係唔想食野...
最近都唔知搞咩

倒數第9日
得閒講兩句, 愁苦皆盡去~~

上中文堂果陣, 好後悔好內疚
派左測驗卷要改正
跟住後面果個話潘sir計錯分, 潘sir過黎
企係我格離睇下邊度有錯....
佢阻住左我睇野......唔覺意地用左不耐的語氣講左一句"行開啦!"
我講完..自己O左....即刻後悔....但潘sir好似唔在意咁行開左...
我見銘銘個樣都o左....我向核都係尊敬師長的..T.T

放學果陣, 發現我地組既"地理種菜"既果盆菜比人惡意破壞
搞到d苗倒塌哂.......但其他組都好地地.....
唔知邊個咁乞人憎, 搞到我地d菜咁
都種左4個星期, 而家至搞d咁既野
仲有4個星期就要交功課啦....而家點算好?