馬宇生日快樂~~~~~
我咁比面你, 咁物理堂就要拜託你多多照顧啦~~

今日黃思雅同我講, 叫我星期五放學去荃灣交收
好遠...但係又唔想用多50蚊做果d咩郵寄
所以我自己去拎
黃思雅自己又懶, 話唔想行...(#$^q%....)
咁鬼死懶8, 成日係屋企出去行下都唔得
又話今日要返..點知又話個課程報錯日期...
要下個月2號至讀得....玩哂啦~

今日中文堂果陣...勁糗..
呢度唔多講, 想知既話可以問我
但係..放學竟然要小測....(..無奈)
由其係當terry, king佢地偶然望過黎..(不過都冇咩)
個小測..10 /16分 哈哈, 成績唔錯~對我黎講好滿意..
對英文, 我既要求一向都唔高, 只要合格就得

lunch time去bobo屋企食飯
佢呀媽d廚藝唔錯, 至少我過我呀媽

今日又係覺得好得閒, 無無聊聊咁..
又做左d功課....
但係一到夜晚, 就好累, 好想訓教
唔知點解我唔掂陽光總係覺得有d成日唔舒服..

晚餐食到好飽....
又要做電腦果個功課...唔想做
不過家庭教師琴日睇哂...嗚~~~
我無聊既日子又要開始啦...
有d咩卡通好睇呀..(最好有打鬥成份+有靚仔既卡通..)

今日放學上左bobo屋企....聽鬼故
bobo講左4個...電影既
我冇睇鬼片既習慣, 所以聽...
呀譚同銘銘都有睇...但佢地只係 聽
因為...如果鬼故由佢地把口講出黎...會變左笑話..
所以唔講好d...
bobo果度一向都暗暗地, 所以聽落好有feel^^
有時聽到我都好緊張
但係呀譚偏偏會係呢個時候...笑出黎
搞到咩feel都冇哂.....=.=都唔知鬼故有d咩好笑..
講講下, 我地坐左成個鐘..

呀譚話今日alan冇返....
呀譚 :vincent話佢感冒喎
好擔心佢呀....唔知係咪真係有病呢佢..
唔怪得今日唔見佢搵panda啦...
點解佢會病嫁...(應該唔關我琴日唔開心既事
琴日放學見呀譚, bobo同銘銘傾得好開心, 我又入唔到咀, 覺得好鬱悶...直到訓教)
我諗.......應該唔關事.....如果唔係, 我真係唔安樂嫁..
dad呀...如果你係唔舒服, 一定要好好抖下呀..

返到屋企, 呀媽無理取鬧, 煩死啦
明明唔關我地事, 就一直鬧我同黃思雅
我地唔解釋, 就話我地默認 (只係廢事同佢地嘈, 理佢地都覺得哂氣)
我地唔解釋, 就話我地駁咀 (因為佢愈講愈離譜)
我都廢事理佢地....當咩都聽唔到...

睇reborn解下驅下煩悶先~
 十年後的雲雀, Q版...真係好可愛呀, 佢頭上既雲豆一樣冇得頂 (愛死啦~~~~)男主角呢個角度唔錯....^^ (一樣咁鐘意)

今日miss lee既心情睇黎好好..
冇鬧過d咩人.....而且比左個B+我地..

掉位...我竟然同呀king坐........
第7行第一個位, 我明明唔嘈, 又乖..
點解要坐咁前喎...
咁坐法, 我右手果邊既黑板咪睇唔到囉, 又遠又反光
姐係要我帶眼鏡啦....
擺我係果個位分明想我姐格住呀king佢同人地講野姐...
咁我咪煩?
唉....期待下一次既掉位啦..

今朝早會, 呀dad佢地呢班prefect 宣誓
見到呀dad既樣......有d薯...
而且佢同其他人企埋一齊, 佢d頭髮, 明顯地比較啡色..
不過最好笑既係校長同佢地講既野....我差d笑出聲
"你要記住, 你地係好重要, 唔可以冇左你地"  唔知點解一聽到果陣覺得好似佢係度示愛咁
bobo都覺得, 我諗alan dad都覺得....
因為佢果陣都係度撇咀地笑....動作..都幾優雅...
唔知呢句野, 係邊個幫校長諗出黎既呢, 定係佢自己..
不過.....同詞方面真係希望佢可以再進步

今日英同數都開左新書, 而且我有5, 6樣功課(有d係我比miss額外加)
1, 第三組既英文抄書
2, 我果個5* 既中史人物評論要打上網, sd 比miss.....(琴日至突然記起...)
唉, 好累呀
不詔呢種咁忙既感覺都幾好.....好似好充實咁..
只係個頭有d痛, 有d累

聽bobo講miss lee脾氣又臭左, 天日既P.E堂
我一定要打醒12分精....唔好比佢鬧...(不過冇咩可能, 係佢脾氣咁差既情況下...一定成班鬧)
好采我個人既話, 一年都只係比佢鬧一, 兩次...