今日好累....可能琴日晚左少少訓...

至於物理既功課, 諗住天日至搵人抄....

累...好想訓呀.......

呵呵, 今朝睇新聞, 見到....
"薩麼亞群島 (唔知係咪咁叫), 發生地震海嘯....."
真係唔知係咁岩, 定係真係我問題....
不過既然有左呢樣野發生
姐係我既預感又告左一段落
所以今日過得好開心^^ (咁樣諗, 好似有d衰)

今日既德肯堂, 講d好敏感既話題....
跟住.....4女1男
果個男既....好....無奈下...
而且佢注定比我地蝦嫁啦....^^
呵呵, 如果佢冇野得罪我, 我既"魔性"應該唔會發左既.....
如果佢得罪我就好啦, 好想玩下...

今日我由下午開始就好唔開心.....
點都開心唔到, 想笑都冇力
咩原因, bobo問我果陣我都.."唔知"
跟住我悶悶不樂地返到屋企
幫手煮飯, 跟住洗返lunch既碗
跟住沖涼, 跟住開電視, 睇報紙....
之後食飯果陣....
爸 "我唔食啦, 冇胃口"
媽 "唔食? 你咩事呀?"
爸 "唔舒服, 成日錶冷汗...我琴日巡樓都唔識出汗, 一滴都冇"
媽 "唔舒服就睇醫生啦..."
唔怪得我由下午開始就唔係咁開心啦...
1, 我今日下午先見過呀爸
2, 佢除左body check之外佢都冇咩點病過
唔通呢個都係我既預感之一???
又係唔好既野.....點解只有呢方面至係天生><
心中有d唔舒服, 好似比d野壓住 = 我自己果日既不祥預感
我病左 = 總好似有某個地方發生災變
開心唔到 = 身邊既人發生左d唔好既事
咁樣搞.....好似連我自己都覺得我好不祥咁.......
希望係我錯覺啦........
bobo, 呀譚...我以後有咩不祥預感係咪唔好講出黎會好d呀? (唔講其實一樣中)

今日放學呀dad好難得主動同我say bye~
我果陣竟然笑唔到...我諗我果陣應該係黑口黑面咁同佢點頭....T.T
唔制呀......呢個feel害死我啦......

希望一切只係巧合!!!

不過不失的一天....

放左學去bobo屋企, 坐左一陣
因為譚同bobo要.......做少少功課
所以我都一齊陪佢地, 我做我的
中文要我地諗10個燈 (因為要作文....), 叫埋佢地幫手諗
我3個係度燈燈燈燈燈燈, 燈到好鬼煩
我記得中國以前有盞燈...
d人好鐘意將d蠟燭送係d花上面
跟住又擺落條河, 得佢自己飄~到唔知邊度
我就係唔記得左係咩燈.....
我 :花燈?
bobo :唔係.....許願燈 (唔記得左呢個係bobo定呀譚講...)
問其他人....:::::
bobo姐姐 :水燈....
alan dad :花燈
panda :許願燈
親呀爸 :許願燈......花燈? 都得.......
我地d女仔就唔多肯定, 但係果3個男的......都好堅信自己果個
所以我最後寫左 "許願花燈"....但到底係叫咩燈呢.....??????

call呀dad問佢果陣, 唔知點解聽到佢把聲好想笑....呀譚都有呢種情況
我地都係好似笑到唔停口咁...
1, 可能呀dad把聱天生有令人笑既能力
2, 佢把聱太好聽, 聽到我地好舒服^^
3, 我地我同呀譚有問題....
果陣佢同panda好似係街到唔知做咩, 好似話咩....淋濕哂....
唔多知佢地, 不過我果陣係同bobo屋企電腦call佢
身一次冇人聽...之後諗住返屋企.....出去既幾秒鐘前佢又call返黎...
呵呵, 我地應該早d出去, 等bobo聽丫麻.........
又or dad再遲一分鐘打黎...
我, 譚, dad真係唔識做呀~~~~

P.S
我家姐 :荷花燈
牛柏業 :花燈就一定無可能, 許願燈同水燈求其一個, 荷花燈未聽過..

今日既千萬行幾好玩
雖然要我六點鐘起身, 搞到我好鬼死眼訓
仲要天都未光齊, 要我著住件紅色衫出門口
好似變左隻女鬼咁....

不過由東區走廊去到側魚涌公開既呢段路
我地同馬宇玩得好開心
係高速公路上d風好爽, 而且又有得同馬宇玩
估唔到佢幾好"督"....^^一直督佢, 就黎督上癮
行到對腳有d累....
不過4公里....差唔多嫁啦...

今日晚上仲有好多野煩
d功課下午搞掂
仲差英文背默同埋中史要溫下
今日咁累.......
今晚一定好好訓