都好多日無打blog喇,今日有時間真係要打下先,等日後回憶下都好,之前先橫掃了少年人d blog先,之後到我喇~先講下上星期日伍先生的講道,人生的選擇,真係使我有好多思想既時間,小時就係選擇世界,所以浪費左好多時間,好彩神都無放棄我~,重有個兩兄弟靈修既見證,好感動,仲流眼淚~但要有呢d見證真係要將心交給神,行神所教既話,唔係睇人點,係自己應該點架呢~

之後星期二太太主日學師資畢業,好多人去睇,真係好多謝,又係利福傳統,玩到唔肯走,哈哈,之後7人(大人)等去左我地屋企,傾到4:30am,成5個幾鐘,好正,講多好多野,仲認識同了解左d姊妹好多~~真係感謝神,之後7月1日訓到12點先肯起身去游水,好好玩,估唔到君樂小小年記,游水已經好叻,好過好多人喇~仲同成班人係浮台玩,仲同windy一齊掉君樂落水,好好玩,好好笑,之後晚上一齊食自助餐,又係好好笑,仲食左好耐,又係利福堂傳統,玩到唔肯走,回家因玩左成日,10:30訓左~

過去一星期因@teen發生的問題,煩惱左幾日,最後都同xx傾過,之後會點,遲d咪知囉~

記得小時同一位團友好唔岩,見到佢就火都黎(但自覺忍得下),同個FD既團友分享,講我已經忍左佢好耐,但個團友對我講,(真正既忍耐係咁咩),到而家都記得,係因為呢句說話使我思想到神叫我地忍耐係為左咩....神希望我地活得快樂.

呢句說話真係同你地四子講架~希望你地有睇喇,我地@TEEN既每一位導師都係希望你地有開心,快樂既成長,當然我地都會做錯,會誤會你地,但希望你地都會同我地講,等我地有得改,唔好有不滿收係個心入面,(可以安靜一下,思想神會點做,求神幫助),真的要小心被仇恨控制,我知我好煩~但都希望你地明白喇,