hi~有間唔中來睇我有無寫blog既你~您好,無錯,我又寫喇~先多謝你來臨~~~~

先係復活節假去左中山玩3日,同上年一樣,都係去下果園,行下食下,因為有一班弟兄姊妹,好玩無比~(感謝主給我這麼多好朋友)

今個星期算係近來最忙的一個星期,不論工作內外,放完復活節假後工作係平日既兩部,做死人~不過都頂得住~

加上之前已接左個job~,就係係今晚幫我表妹在她的婚禮上扭氣球佈置及做司儀,所以個腦成日係度想(變d咩,講d咩,扭d咩),所以無咩好訓.....

無計喇....自己鐘意玩...有機會大玩仲唔玩盡d咩~昨日終於都扭好一對新人公仔,好ok,但感覺扭第一隻時的成功感較強~今次仲有我既好老婆幫我扭熊仔,

50隻,但老婆好叻,一講就明,又扭得快...所以我地去旅行,可以扭氣球行乞~哈哈(多謝老婆你對我既包容及愛護)

係扭氣球既過程中,好多人都講我好叻,好勁,可以去做生意,去教人,自問可以試下,但亦知身邊沒有人會肯俾呢d錢,

扭一個婚沙公仔要成1小時30分鐘,當時薪50(好小人工,比我正職還小...),人工包氣球都要一百喇,點會有人要.....所以呢家都係因為熟人,自己又想試下玩下先做花成十幾個鐘去為一個婚禮扭咁多野.所以自知當興趣過後,氣球便會消失了.....