原來，我錯了！

我以為我了解他們，

原來，我一點也不了解。

原來，一切都只是我的錯覺。

原來，我們之間有條無形的距離。

是真是假，誰對誰錯，我真的不知道。

我只是想開開心心的度過每一天，真的那麼難嗎?

尋晚，我睇番一本F.1 時寫的一些心聲，我發覺......變左...所有野都變左。

曾幾何時，大家都是一群天真無邪、純潔的年青人。現在，大家都變了！不知從哪時開始，我開始經常說謊。唉！變了！

在我的心聲中，我曾寫過一句話，那句話是一個願望、希望、昐望。這個願望能夠實現的機會簡直係好微，即使我明知道很難可以實現，我仍抱持住這個願望，而最後這個願望竟然奇蹟地實現了！！！而且，還超出了我本來的願望。那時候，我真的很開心啊！雖然，係等左好耐，但係我都等到喇！這對我來說，簡直係奇蹟呀！當人得到了一直渴求、追求ge野，係唔係就會喪失了以前追求著這樣野的心態呢？因為自己已經擁有左，便不會去理會，或者已忘記自己原來一直都擁有著，漸漸地變得不再稀罕呢樣野。

我得到左之後，再過了一段時間，我變得不再稀罕這個願望，甚至抱持著另一個同這願望相反的願望，我想放棄它！
但我不想到失去左，才發現它對我的重要，我唔想後悔！

縱使如此，但當我現在再睇番那句話，少不免總有點感慨，始終我已失去了當日我寫這願望的心態了。

今日去左賣旗。好熱呀！

我同埋四個同學係新世紀附近賣，佢地四個都賣哂全部，而我就賣左一半。無辦法la！我 D客比佢地(其中兩個同學)截哂！10 個有6、7個人都同佢地買左，其他一係在其他地方買左，正係就唔買！算la！反正我的目標只係賣兩頁，而我都達成左！

除我們外，還有另一間學校的學生來賣旗。
我留意到他們中的一個男生，賣旗的態度非常誠懇。
舉個例：
佢叫人家幫佢買旗，佢係會向那人微微鞠恭，然後便說：「先生/小姐，幫幫手，買枝旗丫！」
如果那人已經買左or 唔買，佢都會禮貌地向那人再作一次微微的鞠恭，友善地說：「唔該哂！」
我自問無可能做到好似佢咁！向著個個人都鞠一次恭，就算唔同佢買都係lo！
工作態度咁誠懇，所以我都唔同佢爭客！而且我睇佢都好似賣出左好多，有可能仲多過我tim！不過，佢呢個成果都係值得ge！

尋晚，佢又打比我喇！佢問左我幾個問題，我就好唔誠實咁回答佢。佢問我有無facebook 同 blog，我當然無la！佢又想約我去睇戲，我又話唔得閒。最後以功課為由收左佢條線lu(其實嗰陣我已完成哂D 功課)。對住佢，真係講左好多大話。不過，我覺得係值得嫁！

我細佬一早起身睇新聞，睇下係唔係掛8號風球。終於，如佢所願，由於8號風球的關係，而唔駛番學。當我親眼睇左呢個停課的消息，我就安心咁去訓lu。無幾耐，我細佬叫醒我：「有電話搵你呀！我已經同佢講左你訓緊教嫁喇，不過佢要我叫醒你喎！」那時候，我大概估到會係邊個搵我嫁喇！果然無比我估錯，真係佢地，我亦大概估到佢地想問我8號風球停課的問題，佢地問：「天文台話10:30會掛番3 號風球，咁到時候我地駛唔駛番呀?」對於佢地 ge問題，我好無奈咁答：「咁就梗係唔駛番la！就算係番到去，都只係想到兩三堂，咁番去做咩呀!?」佢地仲好似唔放心咁答：「咁好la！10:30果陣我地再打去學校問下駛唔駛番la！」
點解佢地講極都唔明嫁!?

中午同meimei and vivian就討論緊個model點樣點樣。而家都好期待meimei到時個look！！！

個ar頭打黎叫我ar媽番工，我ar媽就話打風唔番。之後個 ar head又打黎，我ar媽就叫我同佢講佢(my mum)不在，竟然要個女幫佢講大話!?算la！反正又唔係第一次！
大約 1hour later，個ar head 又打黎，我依舊聲稱佢唔係度。唉！成日搵著我黎搞！

我發覺自己呢排成日講大話tim！做人甚艱難！

好想 go to sleep ar! 不過，都係打埋呢篇野先。

同隔離那位(Y)相處得幾愉快ge！可惜，miss lai 又話遲下就會調位，難得我剛剛識左前面同後面ge兩位小姐，遲下我地就要分開lu，好唔捨得呀！

老師派左兩張工作紙比我地，叫我地將張工作紙釘起來。我就拎出我的私家機(釘書機)，「啪」的一聲就搞掂喇。我隔離嗰位(Y)就眼定定望著我嘅釘書機(相信大家都知道他用意何在吧!)。(Y)在我的同意下拿了我的釘書機時，(Y)隔離行同附近D男仔見到佢手上嘅釘書機，就叫佢(Y)借比佢地用下，佢(Y)就向嗰班人聲稱那是我的，說罷，就還番比我(放在桌上)。跟住最無奈ge事就發生喇！(我諗佢地真係好需要那釘書機。)佢地成班人(about 4-5 人)就不斷的對我說：「靚女，借部釘書機黎用下丫！」無奈下，就借比佢地lo！(這並不代表我承認自己是靚女，只係如果我再唔比佢地，佢地就會繼續叫，那時候是在上課啊！)眼看著，那釘書機比他們搶來搶去，對我而言又加tim 幾分無奈感。(Y)看到他們這個場面，便對他們說：「你地好似成班餓狼咁！」(唉！)

本以為事情會告一段落，點知老師又派多兩張WS比我地釘起來！可惜，只係剩下三個釘，連那三個都用哂後，那班男生又打算向我借釘書機，為免再次重演番剛才咁，我便對他們說:「無哂釘喇！」呢句說話好似重創左佢地咁，失望下繼續問其他人借......                         (而家諗番起件事，雖然仍是百般無奈，但係都幾可笑丫！)

~Science Lesson~
T: teacher             S: student
T: 咁鹽就包含住...
S: 我好健康嫁！我唔食鹽，我食雞粉嫁！
T: 咁鹽通常會係用黎...
S: 我都話左唔食鹽 咯！

~番屋企途中~

都唔知D遮係唔係同我作對ge，咁難開ge！用左一陣子，有條鐵架就斷了！呢把遮已經係第三把喇！
第一把遮就好難收遮，D鐵架好似有問題咁。
第二把遮係從家中某個地方隨便拿的，用ge時候就發現有條鐵架斷左。
難道我同D遮有仇的嗎？總是不讓我好過！
把遮比風吹兩吹就歪左，真係經不起風浪！
番到屋企先知，原來我剛才係在3號風球底下，用把爛遮保護我番居企！
希望第四把遮唔會好似前三把咁la！