..............今日下晝出街,有條友問我買唔買旗,

咁咪買lo~本身諗住用5蚊買,

但係一打開個銀包......竟然全部都係紙,冇銀仔,

最細係張廿蚊.........

本身諗住唔買嫁,不過見到條友已經將張野貼左係我個身到,

咁又無謂唔買咁la,咁就用廿蚊去買左la...

有d心痛tim~不過算la~得閒做下善事la~

今日去左詩樂到換眼鏡片,驗到d度數比之前深左一倍有多,

之前右眼係百五度到la,而家三百幾,

左眼之前五十幾度,而家百幾度,

唉~兩隻眼差成百度,睇野好辛苦呢~

而家睇緊<<女王的教室>>,和美個亞ma同佢老豆講左番說話,

我覺得好悲傷,就係".......我一直同自己講要忍耐,我係為左老公同d女而生活落去!

......我係怕同你離婚之後,我冇勇氣一個人生活,所以我一直忍耐...."

次次睇完呢套野,都會有d sad~都會係到諗d平時唔會諗Ge野,

睇完之後會影響心情,所以我盡可能都唔睇呢套野。

我係一個比較中意逃避Ge人,會令到自己心情唔好Ge野,

唔會去睇唔會去做~