世界上無奇不有，唔能夠解釋既事亦都好多，
如果相信會令你感覺到愉快的話，我會寧願選擇相信．
”動物傳心術”信不信由你．
多謝好友動物傳心術師 ~ Christine幫我同Boogie溝通
Boogie 話比我知其實果晚係金金黎接佢走, 依家佢地一齊係彩虹橋到生活, 又做返兄弟,
好似過返以前既生活咁喎 !!
Boogie 話絕對無怪過你地, 其實係佢覺得好辛苦, 肚仔既問題折磨左佢幾多月,
所以佢好想離開帶病既身軀 !! 佢知道一路以黎帶左好多好多麻煩比你地,
所以覺得換個方式去接近你地反而對大家都好 d喎 !
佢地依家成日一齊返屋企探你地, 之不過係你地見唔到佢唶, 佢重話成日見到你喊,
叫我話下你, 希望我可以轉達佢既意思比你知道, 下次佢再返黎既時候要見到你笑喎 !!
Boogie 話係佢走之前果段日子入面, 其實佢病得好辛苦, 因為佢驚你地放唔低佢,
所以先撐到果日, 你千其唔好怪責自己同埋其他人, 完全係佢自己決定要走既 !!
Boogie 話由你第一日接佢返屋企, 佢已經認定左你係佢一生一世既主人了,
所以你同爸爸佢都係佢最愛既人, 雖然依家佢唔係你地身邊, 但係你地唔可以再為佢傷心,
因為你地重要照顧對方 & 細佬架 !!
Christine
http://www.wretch.cc/blog/monkeyyyyy
| 
