每個位置均需要有人擔當
更厭惡性的工作終需有人擔上

洗水哩個職位係我入職ge時間有3,4個人做ge
e家o個3個乾媽都走晒
之後請咗幾個人番嚟 都話做唔住走人
本地人就請極都請唔到
要淪落到搵印巴籍人士
一個差婆做咗4日冇影
一個阿差做得兩日又走
e家一個洗水人都冇
哪生意要做碗要洗嫁
咁咪一開頭樓面姐姐輪囉
輪輪下e家連水吧一得閒d都要抽人入去幫手
哈哈 聽日應該要到我玩水喇

唔知今日生意係幾多
仲之就好旺好淋啦
我指ge旺係人流旺
指ge淋唔係我 係廚房啫
差個阿延就係差緊d

星期六,日晚晚都係咁
搵個禮拜寫放假先得 好耐冇放6,日喇

乜掛8號波我每個鐘多$35咁so嫁
今日一番就3號 就番工個刻就等佢掛8號
放工都未等到囉 要掛8號就唔該早d掛
一係就掛足一日 到聽日唔該晒

最衰都係琴日放工俾我撞到樹葉同sky
如果唔係我都唔知佢哋去篤波
如果唔係我都唔跟埋佢哋去
如果唔係我都唔會知道sky有fd係保齡球場打緊波
如果唔係我都唔會因冇波台而改打保齡
如果唔係我都唔會出盡力去打
如果唔係我都唔會今朝起身周身酸痛
最衰都係我衰多眼見到佢哋啦 唉...><

講咗咁多如果 之後到結果喇
結果今日撞正洗水少咗一個人番工
結果今日樓面幫洗水阿彩幫樓面
結果今日我想同阿彩調位會嘢
結果今日我愈想愈要求就愈唔俾我調
結果今日要3個人企茶餐兼晚市
結果今日做到我燥做到我炆做到我攰
結果今日我冇心機番工 俾人暗地裡省
我知衰嫁喇
 

全公司上上下下 每一team人都要係今日開會
講msp 係一年都唔知有冇一次ge大會
今日公司冇人有假放 廚房例外

番2好多人企水 強陣呀
細娟文治 萍caller 彩預產 芳姐中檔
敏上荷 四眼婷企水 我協燒味嗲哋手
哩個陣玩唔夠一個鐘 個個水吧都要開會
生意就交俾隔離鋪ge幫手跟 

年齡+年資係水吧中最細個一,兩個
老細問有咩問題即管講丫 成班人一齊坐底傾好難得
係 我知難得 但我都知我係你哋班"前輩"眼中
我仲係o靚嚟 阿娟,芳姐都唔開聲 又幾時到我開呢!

開咗一粒鐘 到樓面姐姐開 我同婷要幫手
除咗我哋之外 阿bee,美欣同阿欣都有幫手 
成個樓面即刻young晒
雖然玩咗前前後後唔夠兩個鐘
但冇乜機會行樓面ge大家合作咗短短時間
拋低自己做開熟悉ge岡位幫手
反而會有種落力俾大家見到
某程度上做番日日企ge位好理所當然可惜 冇一種挑戰感
我視今次幫手係玩 而且仲唔想番水吧添