8點鐘番到屋企 門冇鎖 見到阿媽 佢聲都唔聲
入房拎衫 沖涼 番工 洗洗洗
洗嘢 見d嘢洗極 散極都洗唔完
自己冇覺好瞓 手痛,腰痛,腳痛 想放棄 想有人幫手
但諗番先前自己點解會認承嚟洗
我就冇怨言 唯有繼續洗
我見一大堆 等我洗 餓 我都唔敢食飯

阿萍係我最餓ge時候入嚟 話幫我手
我初頭係有點抗拒 但多得佢一句
"你知我做嘢唔想有人阻我" 佢仲話
你同我調啦 你番水吧啦 咁我就去食飯喇
好攰呀 我企係度 都可以瞓得著咯 
e家有台 有得坐 我唔扖底恰陣先奇  
mingming遲食過我都走咗 美欣食飯喇
就係我對面 好近ge對面 喂~阿東 
我好攰呀 抬起頭 望一望佢又恰過

恰咗,食咗就有半個鐘 已經過咗鐘 入檔喇
冇客人 唔多忙 可以抖陣 要企囉不過
就茶餐 阿娟一句 "哪~豆冰 甘露 汽水斟定幾杯
我唔想水吧淋檔 " 我一聽到 就忍唔住 喊
我要求同萍 換位 佢叫我收工喎
睇佢個樣唔似玩 但我知 今日冇位個收銀 冇咗個水吧
d人合力分擔兩個人ge任何 壓力都好大
如果我走埋 我餘下ge工作同壓力豈不是留俾佢哋

唔走 打死都唔走 哩埋自己喊
喊夠 發洩完 放鬆晒 精神番做嘢...




 

第二日之後 隻手開始敏感
係癢咗d啫 冇乜嘢ge 繼續做囉

今日星五 各個市ge生意額總比前日同多
我都要做多d
一個市ge嘢洗晒 冇手尾跟喇我先去食飯
姐姐叫我食 我都會答做晒先啦 

有個嚟咗2日ge燒味佬撩我講嘢
茶餐到4,5點冇乜人 乜嘢洗喇
小平話同我調位喎 我出樓面
都好ga 反正大家都收尾
我隻手又可以抖下 我聽日仲要洗過

6點幾 佢搞掂手頭上d嘢 佢入嚟 我出去
企我最熟手ge下欄位 收糠都係收下欄位
做番上年今日ge東西 臨收工 有人話有人請唱k
問我去唔去喎 去!!!  我估唔到邊個咁豪囉
去下 睇下邊個咁x豪都好呀 
就走得 美欣又問我去唔去 去硬啦!!!!!!!!!!!!!!!!!!!

大概11點去唱 哦嚟頂更個燒味仔 
估唔到咁ge樣 只係大我一年 極速成fd
去到阿娟個班勁點歌 我同billy(燒味仔)吹水
條友都幾吹得 係ge大家都同齡 話題都相同

抵佢死啦 同阿娟玩 佢搵錯目標喇 
搵咗個最玩得ge人嚟話 阿娟郩佢先奇
終於有得點歌喇我哋 我凝著佢係23,4歲ge人
所以佢點親d歌 10首我識唱7,8首 真正

上次同阿娟個d唱 阿娟4條女 得我一條仔
孤兒仔咁 我點咗歌 得我識唱 冇mood到爆
上次係睇佢哋so盧 表現 我睇佢哋勁kai 笑多過唱

唱到後期 阿娟4人(非煙民)細聲講大聲笑
我,美,billy 3人輪住唱 合唱歌 嗚呼 我同美欣ge 
得喇 知道係你哋俾機會我同佢喇 哈哈 多謝晒 兼唔該晒

同阿娟唱 佢一定兩點前走 佢一走就會帶埋佢哋走
我見美欣佢好想留低嫁 不過以我e家哩個身份...
想送人番歸 不過現時為止 冇理由剩底請人個果
所以佢哋一走 我同billy唱多2,3首 就去咗佢屯門ge屋企過夜
陌生床 瞓下醒下 眼光光 等天光 7點幾番屋企 準備番9

"好男仔"哩3個字到現時為至我已經聽咗第3次
你想" 好男仔"套落我身上可能未免有d唔夾
大有可能你係識我ge人入面ge男生
"好男仔"今日我又再次聽到 就包埋落第3次度先

第一次我聽到ge係 我中三開始鍾意一個女仔 叫女亭
雖然我略有聽過佢有男朋友(我識ge添 死黨嚟)
我自己呃自己 佢冇ge唔係ge
終於我到臨中學會考完 先向佢表白
佢用我係"好男仔"嚟捥拒我
但佢確係一個既孝順師長又好學ge一個好女仔
佢e家中七讀完 升大學喇呱

第二次我聽到ge係 我會考唔掂入咗ive
我識到班好同學 大家圍內叫lunclub
入面有個好man又好女人味嘅大眼fd 叫阿lo
當時我仲有諗住中學ga 撇唔底佢
所以係ive時期 冇真係咁諗過會鍾意邊個
佢用我係"好男仔"嚟嚟開解我
但佢確係一個既成熟溫柔又識關心fdge一個好女仔
佢e家係機場做機管局ge職員喇

第三次我聽到ge係 我第一份工(啫係e家哩份)
我第一日入職就見我見到一個清純ge校服妹
其後識落就係我想講ge家追緊o個個 美欣
"好男仔"係我係好多姐姐心目ge形象
可能係3個女人一個墟ge關係
"好男仔"就唔知幾時傳到美欣度
今日我主動撩佢傾偈 佢覺得我洗大塊辛苦
我類似話姐姐日日都洗仲辛苦...咁啦
佢用怪唔之得姐姐話我係"好男仔"啦
我feel到佢係用嚟讚我
到現時為止 我識ge佢係一個有時dodo哋
但do得嚟又既可愛又係公司開心果ge好女仔

三位好女仔都先後用過"好男仔"嚟x我
但最後我卻成不到佢所愛ge人美欣就係未知之數
女亭係我ge至懂事以嚟第一個女仔fd 曾經係好友
阿lo係我最似識照顧別人ge好友兼親善大使
而美欣就......近期接觸得多ge女仔兼好同事(暫時)囉

第一日洗 我竟然洗得切
老細入嚟見我洗緊 講笑咁同我講 問我死得未
我答佢仲可以捱多幾日 冇錯係要捱的
捱熱 捱冇得坐 捱腳濕 捱手指軟
我發現一路洗一路聽歌係一種享受兼動力
因為冇客見到你 自己可以係一個音樂空間工作
實在係正 嘆 爽
個個行埋嚟都讚我叻仔 呵呵

10半先收工 番屋沖涼 家庭會議
家中3名大人我,阿媽,阿爸  就我ge壞喜好展開討論
兩個妹旁聽 *只准18歲或以上發言* (
係房唔知做乜就真)
開頭係彊局 跟住就有少少對罵
期後就睇到有d溫馨 最後就感動
我落淚 其實我個心係想扮喊搏同情
點知d眼淚卻一直咁流

會議結果 我學會道理和後果

721係咪一個值得慶祝ge日子呢

我可以如願咁有機會洗大餅,玩水
但一洗係洗好幾日
更期因我而變 日日都有人要踩喇
睇嚟我哩次"貪玩"ge影響陸續有嚟
連同我自己ge更期都會有變動
上個禮拜冇假放 今個禮拜放日
計落由前個禮拜5到下次放假相隔15日
有人怕我日日番9收尾會頂唔著
其實我都怕怕 不過唔緊要
我會盡量証明俾佢哋包括自己睇我得ge
第一步我要早d瞓 早d起啦

好多謝老細ge整蠱做怪
我終於有美欣電話喇 哈哈
另外 我想講ge係 紙包唔著火
我ge壞喜好俾屋企人知道了