今日效好鬧鐘 6點半起身
8點要去機場 接一個好重要ge朋友
好乂耐冇搭車去咁乂遠
以為去機場半個鐘左右啦 點知要成個鐘先到
師傅8:10落機 我搭半至到囉
我去接機 竟然要被接機ge等我 哈哈>,<
原來有個肥仔superman比我遲
師傅見到我好好奇咁問我
"你係日西!? 你幾時帶眼鏡嫁!?"
*師傅佢ge衣著仍舊 大家都仍舊 唯獨我變了*

要嚟ge嚟齊 搭叔叔架車 番師傅度
好丫 新屯近我到爆 同師傅一家人飲荼
叫咗成臺嘢 食到半路張臺d嘢都未食完
佢哋又多轉嘢食 好似食自助餐樣
佢哋又佢哋傾偈 係 太耐冇見喇~
我仲咪瞓醒ge樣 呆呆下
成機做番佢哋所認識唔多出聲ge日西
邊聽 邊繼續食嘢吧 食完飽晒
上師傅屋企參觀動物園 同探下豬扖---佢隻愛犬
豬扖隔咗成年已經唔記得佢ge主人了
好可能係狗仔老了 耳仔唔靈了

點幾走 番一番屋企拎套衫番工
新人番2但又唔見 原來要升中五要補課呱
仲之我見到佢兩日都係著校服番工放工啦
2點到4點 哩兩個鐘 實在難捱 早起 冇神好吽
明明阿娟可以幫手砌檔 但偏偏要我最需要佢幫手ge時候走人
4點幾走晒order 終於可以去食飯
新人番5 又要教人喇 囧
冇琴日咁睇到佢實 放手俾佢試
我知佢做暑期工 話唔定做一個月就走
阿娟哎我要短時間就要教識佢做我個位喎
我駁佢一句 我番咗年幾都仲有大把嘢未識啦
*意思係我教人 要慢慢嚟 *  
"係咪佢做錯嘢 你負責吖 "   係  之後阿娟佢=.=
6點ge夜市 得阿彩 我同新人企檔
細娟就專心預產 冧檔指意佢幫手 難
阿絹全程冇現身 做管理層上ge嘢

7點幾賣晒薯仔 俾客催 俾客鬧
話個餐明明跟薯仔就變咗炒飯
同咗美欣報數又奈何  要怪ge就怪自己唔夠醒
冇提美欣同客講個餐冇晒薯仔跟 跟炒飯=.=
有個買外賣ge客等咗個外賣10分鐘唔夠
就好惡咁走過嚟 問得咪呀 得咪呀
阿娟不在 老細開會 阿萍放假
最叻處理哩d情況ge3個猛人都唔係度
阿彩又番開早 又要揸正嚟做 唔識變通
主場嚟講最有經驗ge就係我
我用我ge做法雖然唔啱規則 但總算打發外賣友走
要投訴ge投訴我囉 負責ge係我
9點鐘終於可以專心咁睇新人收糠
但刮8號喎 垃圾要放到9丈遠ge垃圾場
浪費我時間 阻我教人
我同琴日一樣10點3,4放佢走
有ge首尾全部自己跟番 收11好可憐

過咗好開心ge半天 之後又捱過埋好唔愉快ge半天
11,2點攰了 累了 睡了
 

我同新人Stephy今日都係番兩點
但到兩點我都未見到佢囉
有人番就有人收 娘親變相要多做一個鐘
心諗 番工甩底情況成日出現 洗水為甚
打定輸數 佢都唔會係今日出現
之後聽到佢會番5點 @@
4點幾見到佢啦 16,7歲ge細佬女樣
有點興奮 因為可以教人做嘢喇

講番佢點解叫Stephy先
因為佢叫x麗欣 所以係佢未番工前
我同阿萍圍內叫新人做Stephy了

番5啦佢~ 教佢沖嘢啦~
佢好快上手 冇我初時番工ge怯
係慢嫁喇 勝在記性好 
我就o徒咗好多氣同口水喇
原來帶個新人係咁辛苦
我有時想佢唔係四眼妹ge代替品
佢係四眼妹阿婷咪幾好  大家夾慣夾熟嘛 

又番9收10了 不過今次唔係洗大餅 係企水啫
星期日ge生意唔可以話唔多
多到仲有機會破歷嚟ge紀錄添
好耐冇番咁早 我發覺早餐特別好做
沖嘢ge種類唔多 加上今日認咗個娘親
細細粒的  大我十幾年 都勉強生得我出ge阿敏
佢番開早企水 通常我接佢更______

晏晝同茶餐 有生意嫁 不過就做得好舒服
係市轉市之間嚟得太快
連準備ge時間都冇 o個陣就呢啡咗d之外
最惡頂ge要講到夜晚 做萬二   超級多囉
又係 到6點一轉夜晚 一大堆order嚟囉
之後就一直冇停過到9點
8點走咗個收9ge萍 阿娟見冇乜人就出檔
我同細娟要邊收糠邊企檔

最煩係臨cut機 一嚟7個order 個客自己買咩都唔知
話咩差個餐 嘈嘈嘈 阻我收工 痴撚線
打定輸數收11 細娟幫拖 可以收10半算快了
咁就係公司過咗14個鐘......聽日有新水吧 期待@@
 

等咗成個月 又到月頭了
星六 我番12 都唔係好多客咋/.\

一連兩日去咗散心 話就話唔係香港
但除咗出出入入d地方多咗d講普通話ge大陸人之外
其實同係香港度玩咗一,兩日冇分別

第一日坐咗一粒鐘車去咗個
結構上似海洋公園 好玩度似迪士尼ge
東部華僑城 甚麼大峽谷 荼溪谷...
個公園仲起緊囉 冇嘢玩咁制
d大陸人既唔識秩序 又唔識禮貌
痴孖筋嫁囉~  好彩廁所都ok乾淨
如果唔係 我搵個地方作嘔都唔得
對d咁ge人令我今行ge興致大減
輾轉之間俾d大陸人打下尖呀 插下隊呀
o徒咗一粒鐘上到山 又係得個行字

哩個景點最正ge咪係我三兄妹
包咗一間cafe一粒鐘食個晏同埋
4點幾集合前去咗kfc食完全同香港唔一樣ge餐
6,7點已經食夜晚 同另一一家五人ge家庭開飯
諗起以前細個俾人講冇嚟貴格 兼粗魯
食完坐兩粒鐘ge長途車番東莞ge酒店
恰咗陣 9點終於番得去沖涼
沖晒涼 同細妹佢哋3個都覺餓
過隔離房搵阿爸 落地下買嘢食
原來可以送上嚟 哎咗個粉,麵,粥
唔使50蚊 抵食,好食 一日五餐 嘿嘿
食完睇埋陀槍瞓

第二日 明明電話冇電
7點都可以響一響嘈醒我嫁囉_____尚早 zzz
8點起身啦~食所謂ge自助早餐
比琴日ge到會質素差n倍 奶茶冇茶味
但味道上係一杯好好ge牛奶
10點就要交房走人 又要搭長途番深圳
11,2點睇個乜Q博物館
清朝文物,海陸空稀有動物...
之後到四海一家食午餐 (可謂行程中最正)
冇記錯個商場叫合益假日廣場
係一個賣中,高檔嘢ge地方
大家樂,許留山,優之良品...
令我感覺到我身處尖咀,中環ge某商場一樣
4點散band 5點前番到屋企了