今日好黑仔
2點半考會計 照平時咁早半個鐘等車
平時去到巴士站就會有車上
今日去到個站一個人都冇 就知乜車都係我嚟之前走晒
等囉 等2個字有車嚟 可以搭半番到去ge
最弊個天幾死熱麼
就到學校 就遲到喇 係兆康鬼死咁多人上車
又要咁啱有個女仔上到車暈咗
車長出嚟睇住佢 車唔開得 要落車走番去
身水身汗喇喎
份卷又唔識做喇喎 考3粒鐘嫁
考試時間過咗一半密謀走人 但過唔到自己
於是係咁磨爛蓆 磨埋下半場先走
我聽全班account最勁o個個講 但求攞到6字頭就心足
佢次次都有7,80分 咁我豈不是........
原來今日除咗六四之外 仲係友人生日ge大日子
正日喎 當然係慶祝啦 但聽日要考icem喎 心諗
跟住有成1/3班佬都同去喎 我未正式掂過本書都唔理
有10個人陪 佢哋話瞓醒溫兩粒鐘得 怕咩喎
番一番去屯市搵遲到唔俾考試ge傻仔先
上車 屌 八達通又do唔到 一年換兩次囉
銀包冇散銀 樹葉又冇 上層又冇熟人
成個銀包最細面額係張10蚊 仲要係心添
要拆 問人換散 10蚊換9蚊 洩咗一蚊俾條友
洩咗2.2俾九鐵 夾埋唔多 不過超級唔抵囉
叫咗阿媽唔冇煮我飯 我番去換一換套衫就走
點知真係冇預我飯 今餐食粥 食埋先入元朗會蕉皮
好彩冇跟佢哋去食飯啫 扖王囉 慳番成舊水
睇血戰新世紀 日,韓,美ge大集匯 一味殺,殺,殺
電腦血 冇主線 唔多好睇 之後食埋糖水
12點幾 冇西鐵 要搭輕鐵慢慢凳番去
成點先番到去囉 咩事情 溫陣書 唔入腦
瞓醒再搏過 都成3點先瞓囉-.-
|
