唔知哩個學期ge正式上堂日子完未
補課週係咪開始呢 今日原本ge堂都上晒喇
要上ge 只係星期六個兩堂 會計同中文
9點補到1點都係會計 之後有一個鐘食飯又上堂

放4點 就話番4半工 如無意外我係趕得到番去
換埋衫 食埋嘢 夠鐘入檔咖嘛
誰不知 搭車時啱啱走咗架巴士 於是搭小巴啦
遞埋手截車 刁 專線小巴 又miss過架車
等啦~搭得成番去 換好衫都勉強仲有一個字食飯
頂~阿欣以為我番5 叫我幫佢幫老細入工卡
我=口= 佢幫我叫飯 跣親我囉 哎個禁品俾我
芳姐坐正我隔離開飯 發覺我夠鐘都唔入檔加上食禁品
其中一條罪都夠我死而後已

哈哈~原來得3款冰冰要學咋喎
好快就上手 今日準時收工 ya vVv
 

今日上晝番去趕埋份project 一陣present
個綠帽男痴撚線嫁 我著個對係咪皮鞋關佢撚事咩
阿sir話著裇衫 西褲 黑鞋就得啦
嘩~著老西黑皮鞋我真係頂綠帽男唔順
咁著出街我都接受唔到自己啦 佢憑咩叫我著到佢咁肉酸呀

出新冰冰ge第一個番工日
有一種第一日番工做新人咩都要由頭學過ge個種感覺
晚市雖然係唔多人 但沖冰冰係勁煩勁多步驟囉
一諗起禮拜六,日同假期個情況智惡劣過今日
我就超想死 唔想再係到吽臭喇

終於都有人打嚟搵我做project喇
一做就做成個下晝 冷氣好凍 一人一部電腦做
人哋對住部腦好精神 唔知係咪做緊project啦
我就做多幾做就想瞓 結果係瞓著咗嘅
不過我都有做咗少少嘢先瞓嫁

唔洗番工ge日子連續兩日咁平凡我覺得...
阿翔生日 打去搵佢會佢 同阿泰入元朗去
見到佢哋咁啱佢哋打完機出嚟 大家都肚餓食嘢
話時話今次真係我第一次去韓燒咋喎 冇人信囉
係 先前好多人都搵我去韓燒
但一係人少搞唔成 一係我唔得閒去唔到
一係嫌貴冇去到 今日我ge第一次就咁俾咗阿翔喇^^

後日IBAII last一份project今日唔做聽日都要做
番5點鐘學 成個上晝流流長都冇人打嚟
好囉~聽日先做 急唔嚟ge

就到暑假喇 又係出冰冰ge時候
聽日就開始出 哈哈 好彩我連放2日
等佢哋測試咗兩日 沖熟手喇 咁之後再教我沖啦