如常番工 今日係屋企食埋飯先番工
差一分遲到 扣人工 好彩肯跑趕番工啫
好旺囉 成日都 遲下暑假日日都係咁 睇我可以捱到幾耐
係我係同過提翔哥就嚟唔做
係美欣問過我係咪鍾意阿BeE
不過我都係提過下 同俾人問啫
我都冇話好快走
我又冇直接承認鐘意阿阿BeE
不過哩兩件事已經好似通晒天咁
個個都問起我係真唔係 唉......
遇到個潑婦買外賣 話收銀打錯飛
走咗之後又番嚟 話包外賣包得唔好
話咩買又麻煩 拎又麻煩 鬼死唔惡
我即刻衝口而出講句 "咁咪唔好 買囉"
4點幾喇 過晒多人個段時間
芳姐叫我同四眼妹是旦一個放飯
哈 我爭羸佢
出面冇位食囉 要入會議室食
食食下 阿BeE入嚟囉
成間房得我哋兩個 係同佢表得明明白白ge好時機
但有邊個會估到有咁ge良機丫
我根本冇心理準備 又怕哩怕咯
係機會係留比有準備ge人
結果我入嚟食先 佢好快就食完走
當中有間真空期 我唔敢望佢兼冇嘢講
dup底頭 扮作肚餓咁 掛住食嘢而已
假如我早有準備 哩段時間後
大家ge關係同感情應該有某程度上ge變化了罷
夜晚就正如我之前所講 就好似暑假咁多人
個晚市ge生意就有近一萬 因母親節ge關係啦
出餐勁亂 芳姐勁唔妥廚房囉
有d餐要客人等成10分鐘 有d更漏單
之後有個港女話 個個食完 個個等佢一個餐
鬧鬧哄 最衰都係廚房唔報數囉....
水吧冇咁多人喇 下個戰場就係樓面
個個食完嘢一走 就有一大堆嘢執
下欄房淪陷在所避面 死人林貴云7點鐘就哎收工
好啦 樓面冧檔 搵人幫拖 我去 我去
散下欄 mingming入嚟抹盤 同我傾偈
問我係咪唔做 同阿BeE.......
佢話阿BeE好似冇咩 但話佢多情 見一個鐘意一個 叫我唔好制
又話佢冇身材 話美欣仲好過佢喎x_x
諗諗下 都係呱!?
散完番水吧 撻地個鋼身都ko 咩都搞掂咁制
四眼入去執機尾 阿萍番多一個鐘 哈咁都收到10點喎 ^^ |
