世界上真係有太多東西是現時人類控制不到的

自交咗學費個日開始 我就已經下定決心哩年要做個乖學生 只少唔遲到先丫....
今日遲一遲搭巴士 我哩個諗頭就已經幻滅了= =
上個禮拜紅日 冇上到星期三應上ge堂 今日之後咩科教乜 內容講乜我要有概念喇 
econ改用英文考 不過第一堂用中文夾英講 同大曾中四頭幾堂經濟ge內容有7,8成相似 
如果轉中文考 哈~唔使溫都合格啦             發現"兩文三語"真係畢生受用的 尤其係英文
之後個堂普通話 冇錯係普通話 好彩ge係 今年個老師注重"講"要分組咯又= =
普通話堂前後 去咗同隔離a班開班會 d主席副主講晒去咪得囉 仲乜要同a班個康樂比啫
所謂"人比人 比死人" 做康樂ge收到上頭旨意 搞好活動咪得囉
加上你哋傾得好地地 廢事打斷你哋啦____________

今日off 放學番歸 恰陣 起身食飯
對上個次究竟係幾時呢!? 我懊惱 又好享受屋企多菜少肉ge一餐



 

難得有日紅假 唔使番學 番工又唔使番早 番6咋
於是瞓醒11,12到 搵人下晝踢下波 我發現我都有個幾月冇郁過喇
冇態兼冇氣 跑跑下周身開始痛又攰 踢咗場唔惦 因我輸咗 之後抖陣回氣
第二場神來之筆咁 入球靚ga 勁開心 ^^ 踢多陣就搭車番工lu ><'
 
踢完波 唔攰就奇 估唔到一嚟個晚市會比閒日ge多咁多人
十幾十幾杯嘢飲撻過嚟 問你死咪
自己開始鬧情緒 唔係發脾氣ge只係一路做 一路慢 落去哪 聲都唔聲下
直至臨收糠 大家得閒d 芳姐以燒味師傅開玩笑 我至笑番...

 

今日咁啱俾兩日公眾假期夾住 講真個句 我有諗過今日唔番
仲有GE係上幾日個颱風可以打到正一正 一係掛8號 一係就紅雨 咁就好喇

瞓醒仲可以趕得切1130番學 於是都係選擇番 可況就連sky都7點幾起咗身咯
星期一係難得要食lunch嘅一日 上個禮拜一嘅個位
我好希望今次都可以同佢一齊食 但上堂聽見佢已經同幾個女仔傾得埋
我對今餐期望都唔會大咯 至少咪同sky撐臺腳囉~
有a班ge新同學調過嚟 男仔嚟的  就坐係我果行 同行ge仲有sky,小龍
立心諗住同唔到佢食 都可以同小龍食 放lunch 只得一個叫cy同組ge男搵我一齊食
原來唔單至同佢的 仲有同未來一組ge另外組員ga 去學校canteen食
途中見到一大班十幾個男ge準備一齊食 當然有猶豫跟邊邊好 最後揀咗cy個邊 

入canteen 見到小龍,主席,似阿lo嘅yuki 同臺有10多人 好有lunclub feel = ]
有個粒聲唔出ge 成日唔同男仔坐ge原來都係我ge組員嚟
最想發生同最唔想發生ge都已經發生咗 唔知笑好定喊好 
主席 鐘意講嘢的 有號召力 就似馬仔咁 cy就可以算係上年super嘅位置 
好開心嫁 食完飯女ge有女傾女仔經 男ge有男講 我個位可以同邊個講呢?丫~cy
之後仲有時間 阿sir又嚟埋 傾首個班會活動添 搵埋a班副主 傾到d啦XD

番6得我,四眼妹,梅姐 do ri me3個 出餐,水吧,caller,執嘢..一腳踢
有人龍就大煲咯 出火鍋咁上下 有笑料喎~ 廚房執咗盤熟ge排骨出嚟做"打邊爐"囉 
梅姐見到都唔知嬲女定笑好 我同四眼妹就笑咗出嚟喇
洗水又淋檔 見聽日唔洗番工咪幫下手 點知一幫 連櫻面姐姐都幫埋一份 
場面壯觀咯_____自己11點走 ok開心嫁都


 

確確實實咁一日工 雖然係番2 但琴晚就效好個鐘9點響
(我想改變番我以往ge生活習慣囉 為咗開學)

鐘響 我確實有禁停佢ga 不過時候尚早 醒咗又諗唔到有咩好做又瞓過
俾電視聲嘈完又瞓過 唔到就夠鐘都唔落床
 阿媽少可咁炒烏冬 佢叫我食埋至番 試咗試 見好味道
於是連公司個餐都唔趕番去食lu 自己係屋企食飽 開陣腦至走

今日瞓咗10粒鐘覺嚟開工 一樣同放學番工ge我一樣吽
見新嚟啱啱一個禮拜ge燒味佬一開始次次搞淋自己要我幫ge
e家佢都唔得嚟喇 記得有個同事同我係前幾日講
"唔好理燒味啦~就正如一開始你做水吧咁 我哋訓練你一樣"
道理有係入面 如今燒味佬上手 我...顧掂自己已經ok喇

個風打唔成 但帶嚟場雨 晚市ge人好似好多 不過大多都係火鍋
一打就半個鐘到 祥哥,娟姐,阿萍,四眼妹四個企水ge
得閒 冇人個陣就吹下水 好好笑呀 娟姐經典咁爆咪 
另外 燒味帶咗個女張相嚟睇 話似四眼妹喎 
我唔覺囉= = 祥哥見到 一句 似"如花 "笑死我同四眼妹
9:30搞好晒收糠 祥哥,娟姐,阿萍打邊爐等收工 而我同四眼妹都食住等收
 

超難頂囉今日 星期六都要番學 仲要番9 更甚嘅係賴床遲到咁制
1點放咗之後又要開工 唉~我想

估唔到sky可以早過我搭車囉 係ge唔洗一個月 佢會打回原形的
教中文果位來頭唔細 係語言學同翻譯學博士(中學,ive時期邊會有嫁)
另外教account個位都有番咁上下 Harris sir係現職會計師 教書只係佢part-time
最厲害ge莫過於一個禮拜只有星期六ge上晝搵到佢 part到咁

兩堂兩堂都同一課室 同一個位 唔係每一個鐘之間都有個break 4個鐘唔知點捱
唔通瞓教咁過咩 雖然我承認我係恰著過 主要原因要怪自己夜瞓啦~
加上d專業人 把聲都零舍pro 唔知係咪咁ge原固呢!!!

我聽人講 手上有一粒糖 揸實嘅 永遠只係一粒 但係放開手嘅話
雖然有可能唔見 但都有可能會有更多糖果呢...