琴日豪搵我今朝打波 唔知點算冇反應ge 真係唔明白
下晝請咗假睇醫生 今日唔洗番一日 抖下 輕鬆下啦~
見完醫生番到屋企無所事事 好唔習慣哩個時間咁無聊囉
4點幾搵人出嚟陪我發洩一番先得
得柏林一個 球場上 冇乜人 醒目到佢 收打網球 一千零一個場都BOOK到呵呵
之後番球場踢咗好幾場 柏林變射手 射親都入+o+

7點番屋企 行經昔日放學返家的道路 浴途看著穿上校服的年輕人
(這些叫觸景 傷情嗎?)

晚上一家人齊齊整整的食飯 好像沒甚麼特別
但...總是有著道不出來的那種 那種情懷


從前 那放在抽屜裡的勺子 今天已經改變了容身之所
家裡增添了幾台電器 妹妹已是小六生不太多需人家的照顧
家中境物有所不同 爸媽一天一天的老 兩個妹妹也漸漸長大
但____這仍是我的家 ^^

今日鋪頭好少人幫襯 hea住嚟做個晚市

另外洗水姐姐發嬲 走人 好彩係調儀姐入去啫

收糠 樓面少咗儀姐唔夠人 梅姐又搞著我了

em...唔係入去就冇所謂lu^3^ 

今天9月1 是一日難堪的日子 是別人開學的日子

依稀記得我和ive最好的一男一女在沙灘玩起來(mickey%琪琪)
在我興高采烈之際 突然想到我的前路 彷彿帶點唏噓
於是我此痛哭 醒來的時候 面旁帶著淚印 今天要開始了

mingming同阿彩調去港島幫手 公司人手變得短缺 以後都要番2至10
番工時間固定得好似番學咁 每逢我做得唔開心 我又會惦念上學的日子
如果...有如果的話 如果...如果能成真的話
我也不想這樣活下去了

琴日就講咗工作上ge前輩啦 今日就講埋d平輩喇
水吧度除咗我之後仲有個後生水吧 一個叫思朗 另一個就叫阿婷

思朗---(水吧快手 咩都講快) 佢有句話 唔夠快 會俾人插
拍著佢 自己唯有聽大佬 佢之笛
今日星期日 亦可能係暑假最後一日啦 人特別多 番二至十 就經過兩個大人潮
2點開始茶餐 6點開始晚市 最多人個段時間係3點幾個段
客多 水吧又人多 實行分工 一個整三文治 一個caller 一個出餐 一個熱飲 一個凍飲 一個幫燒味
連燒味師傅 一個水吧 7個人 嘩~夠晒人多勢眾咯 人多亦都手腳亂
阿婷平時已經傻傻哋  今日仲變咗個癲婆  找死麼
人多手腳亂 佢做到癲咗 成雀檸茶倒落自己到 我見到就同佢講笑啦咁
"想收工啫 得喇~你收工啦" 跟住思朗就以為係同佢講 佢就痴咗線咁 "得喇我收工哪"
d主任 見到阿婷冧檔 思朗又走q咗 娟姐就"你哋咩事呀" 芳姐就好冷靜咁清場

講番起哩個婷 我就會諗到果個婷了...

公司有經理兩個 主任兩個 燒味師傅又兩個 我鍾意拍嘅每個職級都係得一個人

先講經理 一男一女 一個叫祥哥 一個就係請我番嚟ge梅姐
我哋叫男ge做爸爸/老豆 女ge就媽媽/阿媽 成家人咁 個feel
老豆咩都好似唔多理 咩都幫住你 又識搞下笑,郅下你
而媽媽就做事親力親為囉 見你做唔啱d乜就哦下你 嘈下你
番工嚟講我都係鍾意唔多理ge老豆多d 阿媽就真係好屋企個阿媽喇

主任 一個叫娟姐 一個叫芳姐 兩個主任都企出餐位 但我對佢哋嘅印象就一個天一個地
娟姐係第一個我感受到佢對我有仇個種感覺 有次省我遲番 有次就收糠駁佢咀 鬥寸咀咁話
芳姐就唔多時間拍佢做嘢 佢好常早收工的 印象最深ge係
佢有日教我點唔用5爪金龍揸杯  第二日見到我學識咗就讚下我咁 平時佢叫到 我應佢佢又讚ga

最後到燒味師傅又 一個長做ge叫田師傅 另一個就頂田師傅更ge 叫榮哥
田師傅 老嘢一名  仲係一個好盞鬼ge老嘢添 一開口就一係扮聲 人講乜佢就高8 度講多次 一係就唱歌
最經典ge係個首why why tell me why 笑到你碌街
榮哥我拍過兩次咁大罷 一次係番水吧ge第二日 有次就琴日
第一次我就傻下傻下咁 人叫做乜先做乜 於是我食咗唔少苦頭 加上我聽佢份人唔係好脾氣
琴日啫嘛 梅姐唔小心係佢斬緊燒味果陣撞到佢 佢就一嘢將把刀 劈落曾板到 勁大力
呅都呅唔番把刀出嚟 下次拍正佢都係小心d好

話晒個個都大過我 早入行過個 輪輩份 我點都係低過佢哋
當自己學嘢囉 做好本份 聽人教  好ge學到足 衰ge唔好做 咁就包冇死喇