知道有工番前買咗波飛 又賣唔番出去喎 於是我要求經理放我今日off

今日ge行程 琴晚放完工先諗到 就係搵人陪我攝下晝個段時間哪

我上晝醒一醒 打幾個電話又瞓番 因為d人都未confirm出唔出

琴日講好2點旺角等 我點幾先再醒過 自己知自己乜事 咪同番佢哋講改3點囉

早到,準時到 原來係罪嚟

我兩點幾先搞掂好出得嚟 覺得都瀨瀨哋嘢 我已經遲到啦~

竟然第二個早嚟 阿霖就慘喇 最離譜ge係姓周ge個位囉 4:00先到.\ /.

一粒鐘冇白過ge 仲算開開心心咁笑咗一陣丫___

之後食少少嘢 陪佢哋去打陣機 5點9 要起行去大球場喇

死手霖 昆我要半個鐘先過到海 我又會信囉~

唔洗4個字去到銅鑼灣啦 豈有此理呀!!!

去錯出口 大鍋 加上自己死要面啦 自己行喇 靠記憶行到嫁喇

點知~搵嚟搵去都搵唔到上山條路 死啦~就6:30開波添

撞到mandy,阿盈  say 個hi 問下路咁 被老點咗去維園 =.=

於是自己番地鐵站 個個似係去大球場ge出口都去下啦

王天不負有心人 兜個圈就搵到條上山路喇 哈哈~仲俾我撞到射罰球條友^^

荷蘭贏波 正路ge 不過幾冇強隊風範囉 坐起d外國人附近 ok有氣氛的

有時真係好唔鍾意同華d睇波 佢ge紅衫打扮 佢ge"大俠"性格......

溏心做緊 冇得睇 換嚟係收工前又有多餐食 世界係公平嘅

今日俾對鞋跣 好彩反應快啫 不過俾人見到 勁瘀>.<

我發覺我係番工度有n個名 聽覺有d問題都死得

通常識我ge都會"日西"咁哎我啦~咁番工就冇理由呀 所以得阿達一個咁叫我啫

阿乜阿乜咁稱呼人有正常吖 咁d人咪叫我阿東呀 阿仔咁 

仲有d唔知我叫咩名嘅就會細佬咁講 有個名好恐怖囉

東東 救命呀~ 不過都係稱呼啫 應下咪算囉

食完飯 要去屯市借可樂漿 成支原子彈咁ge樣

黑衫,黑褲,黑鞋,黑襪 仲要黑帽喎 5:00仲要q 熱辣辣 碌漿又重

一身汗 想"吞蹼" 但唔知要幾時拎番去 又好似勁缺可樂咁

算喇 快些少拎番去啦 熱係熱 攞命係攞命嫁喇

今日係我自番工以嚟 做得最舒服ge一日

番工前落起雨上嚟 搞到我要兜商場番去 結果俾d人海阻一阻 遲咗一個字番

超驚一陣拎飯果陣 之前嘈過我咁遲先食飯個娟主任係度

換完衫出嚟 實遲開工嫁喇 見到娟姐 不過佢冇省我 仲勁好人問我食乜

嘿嘿...可能係梅經理係佢隔離 所以惡唔出啦XD

兩碗米線 一杯可樂 飽到唔想郁...

先去執盤 o岩o岩過咗師奶highT個時間 d盤積埋好多 清一清冇晒

之後抹下盤咁 勁得閒囉!!!

到難搞ge晚飯時段 經理早就叫我8點執機尾

清姐摩打手咁洗 連同我都摩打手咁執 冇時間抖

好快到10點 估唔到可以清得咁快 係10:30收得工 yeah~

不過...走之前食埋森哥炒ge靚飯 嘆多杯紅豆冰都未遲^^                                                                           

今日都唔知做乜事 個個阿姐都好似食咗藥咁 成隻開籠雀咁吱吱喳喳

連靚妹阿珊都猛咁撩我傾偈 講起都超驚 大姐呀

可能係佢最後一日番喇 心情好 橫是大家都同年呱 咁你都唔洗咁嫁?!

週末ge今日零舍多人 自我5點番到11點收工 都忙過唔停

入面同下欄(我個位)都霖檔lu 經理又叫我入去幫手

今次我好不忿咁背住佢 "嘟"咗佢一聲 點解又係我喎 於是嘆一嘆氣

心諗 "自己想接受新挑戰 個個位都會下 點知今日會有咁多客喎 逆來順受 慢慢做囉

不過我都似d唔可以接受大挑戰ge人嚟嫁喇 做番個齋企 齋分碗碟ge冇用鬼算吧啦"

再諗深一層丫 都成18歲人喇 真係受過大挫折嘅 又有幾多吖~

細細個個陣 年少無知 做錯過咩嘢都總會有人原諒我 保護我 幫我補鍋

最多咪俾人鬧幾句 打幾下 喊完 聽日瞓醒又唔記得咯

大個d 上到中,小學 學業都算不過不失呀 又未霖過班咁

第一次公開考試 係___考得冇咁好 升唔到中六 我都有個IVE可以做後著

感情上.....穩囉(有個我可以用幾年時間等佢ge傢伙)  

好喇 講埋事業喇 經理一見我做唔嚟 又叫我行我番機尾 (一個唔需要見客 最舒服 最hea嘅職位)

試問我一生人之中有咩大起大跌啫 我係一個食飽無休米 入世未深 唔識保護自己ge人

對於朋友所講ge每一句話 我都深言不疑 但原來我好常都俾人矇在鼓裡

次次當我遇到有困難ge時候 總會有人幫我啦 耶穌當然係其中一位無時無刻啦

學業有老師 感情上有邱彼特 平時就有屋企人同朋友

e家踏入社會又有咁多阿姐主動教我嘢 尤其係玲姐咁睇我

原來我係咁幸福嫁____