端午節後 身子差咗 因為可能係大飲大食 夜瞓啦
睇晒兩場歐國先瞓 普多斯基連入兩球 太好了 近5點瞓
9點幾就要起身囉 成身軟懶懶 冇晒力咁 又發冷
為嘅係睇nba 係喇咁lo 食嘢冇晒胃口 頂唔順要瞓係到睇
捱到打完喇 塞爾特人贏 唔開心嫁 之後又瞓陣 焗熱
朦朧中 聽到阿爸,阿媽出街番嚟 救星到 個肚餓咗15小時
要食晏喇 有粥,有飯食 雖然d粥係琴日食淨嘅 但我知我當時嘅狀況
耗盡我最後一口氣 講咗聲"食粥" 於是阿爸冇食晒成兜 留俾我食
我好慢咁行出廳啦 呆滯咁坐係到 望住碗粥 唉~冇乜胃口
算啦~為咗自己身體 點都要食幾啖!!! 一啖,兩啖 停咗落嚟
僕咗係到 突然咁喊咗出嚟 當中有好多原因ge
其一,病嘅感覺好難受 二,怨自己唔懂得愛護自己身體
三,嬲自己上個禮拜咁多時間又唔係點溫書 嚟到最尾果日先
最後係對唔住阿爸,阿媽 阿媽即刻叫我去屯門醫院睇急証
我堅拒反對 喊咗舒服咗好多 沖個涼 抖擻抖擻精神
嘔了 一次 唔舒服 都拎住份筆記溫 溫溫下又瞓咗
4點幾醒 終於要睇醫生lo 都唔知對上果次睇係幾時
診所爆人 成一個鐘先拎到藥 醫生話我腸胃炎(從來都未試過ga)
食藥 又溫書 一陣又拎往notes瞓咗 9點佢哋食晒飯
冇執到 等埋我先執 我feel到佢哋對我份親情
胃口太差喇 半碗飯 hea住咁食 唔食得肥膩嘢 食素呀
阿爸睇住我食 時間一分一秒咁過 半粒鐘 我仲未食完
成10點喇~見聽日佢要番早 算啦~收手喇
瞓下 溫下 都唔知溫到咩入腦 又唔知幾點瞓著 |
