7點幾起身見太陽 唔過一陣就陰天 再過多陣咪落雨囉

8:30最後一堂bartending mountain sir講貼士  好似咩多唔重要 又咩都重要咁

唔多到肉咁 於是 因倦了 而睡了 唔可以乜都靠人啦 今次一於靠自己

普通話又係最尾果堂 到我要匯報喇 怯場 口窒 超時 too bad

未到我講 冇嘢做啦 大家睇到報紙d旅遊廣告 心郁郁咁~

真係好想一大班fd趁考晒試放假relax下呀 15日遊輪遊歐洲超正呀$16000咋

抵呀!!可借呀......近近地 唯有去大陸,台灣一轉呀  

lunch兼放學 雨突然落大 我,師傅,阿細,小達,小朋友 5個人 得我有傘

食飯嘛 都要行嫁喇 咪咁多人迫埋一把縮骨遮囉 勁搞笑

食完番去做功課咯 你幫我 我幫你咁 遇到Microsoft office神手 冇做錯到ge

臨3點 搭的去美孚碌ling 車上小達癲癲地咁喪講 mandy,阿盈又肯笑

都唔知有咩咁好笑 小二自己嚟

又係最後尾一次喇 師傅冇嚟到 小達頂上 玩囉 好開心呀

阿sir 帶咗部單鏡嚟玩 人係好奇ge 拎咗嚟影低碌ling嘅英姿

小達係到個氣氛又唔同師傅係度個氣氛嘅喎

師傅係度係寸多 小達就搞笑多囉 拍下人碌 影下人碌咁 當然上鏡果個反應梗係大啦

5點碌完填問卷 之後食糖水 夠凍 夠好味~

行一行出街 成身汗

唔洗番學嘅今日 做咗日指揮 指指點點 點人做嘢 哈哈~

查實係我d組員唔多上心呱 我負責搵料 佢哋落手做

一日搞掂個powerpoint 最後一日先做 聽日匯報喇 

今日番到去就嬲啦 個ciny 唉~d唔開心嘢就唔好提喇  

唔好煩咁多喇 測excel先 測完 食飯 又上電腦

抽人匯報powerpoint 個個都有心機做ge

但個ciny因d少事 唔俾人匯報喎  唔少人遭殃 好彩我冇俾d箭 亂射中我啫

2:30到5:30 乜都冇得做 要專心聽人講 點可能丫~

放學 突然落大雨 等人遮 好多人都冇帶傘 因為起身出太陽嫁嘛

師傅一個人帶兩把傘 有目的呀 係就係狼狽嫁 不過救咗我哋5個男生 冇帶錯呀^^

距離18歲仲有大概200日 好快就到喇 我e家嘅思想同年齡上總係差少少

總會覺得我d思想仲係徘徊係中五果陣

哩個ive生活我可能變咗啦 但唔多覺眼啦

我發現變嘅 最明顯係說話方面 我鍾意展示自己情緒多 特別係對某d值我信賴ge

仲有嘅係講嘢多咗 寸人嘅說話都相對地多咗啦 

係囉...... 係囉......

上晝唔只我同師傅番教會 唔知因乜原因小達都番啦 師傅仍然係咁鍾意ge

11:30完聚會 小達話似睇mini-concert喎 諗起又真係幾似

之後過公園小組聚會 西西同上"十課" 等埋佢哋兩個 搵地方hea

元朗中心有冷氣 唔錯 可惜冇位坐俾佢哋屠龍

見餓 搵嘢食 師傅帶我哋去"好到底"食麵 三碗雲吞麵 三種唔同麵 有趣

師傅問有乜麵喎 阿組話幼麵,粗麵,伊麵 我係衰多口嘅

寸師傅口大 一睇就知食粗麵啦 小達話食開幼麵 揀淨咪我囉

三碗雲吞麵嚟喇 我發現原來有雲吞河,雲吞粉俾我揀 價錢一樣$16

而我一見到我果碗雲吞伊麵 我就唔想食 望到個餐牌 "伊麵底加$4"瀨嘢=.=

食完行陣街  我又衰多口喇 師傅睇電話啦~

我又爆咗佢唔洗睇啦 得i-pone o岩佢咋嘛 佢叫我"出少句聲好唔好!!"

於是沉不往氣 扮灑脫咁 一個人行 超熱 番屋企先 唔熟路 唔打唔撞咁行咗去朗屏 so fun

踢波 得6個人 約3點 4點先齊 hch有嚟到吖 狀態一睇就知not good啦

今日係一日好平凡嘅一日 夜晚有兩個驚喜

一,大伯同伯娘係鄉下過嚟探我

二,阿媽特別話俾我xx 話為咗將來喎

喜訊 喜訊呀~持續一個禮拜纏繞我嘅喉嚨痛 今日同我said goodbye

證明琴日嘅決定係冇錯嫁