考完試嘅哩幾日 係有意無意間 見識到一年都冇可能見識到嘅事物

我發覺我以前仍是一個入世未深 長期住在溫室的一個小孩

以為自己在做任何事情前 已經徹底考慮了清楚

沒錯我真的考慮了清楚 但所考慮的只有溫室內...

事實上 外面甚麼的頑風頑雨 我感受不深 知道的卻只有溫室內的一事一物

雖然我是這樣在溫室內生活 但最近有人不知不覺地把通往外面的門 打開了

我見識到了 原來~

外面的世界多麼兇險 多麼醜陋

我還以為外面的世界和我所住的差不多 是美好的 是和平的

我學懂了 原來~

凡事都要從多方面去看

我還以為我看見的 就是凡事的全部

我感受到 原來~

要在外面的世界闖蕩一番 並非是我想的那麼容易

我還以為人之初 性本善 朋友之間欺詐是不存在的

可惜......

我這種人是世界上稀有的品種 純樸 甚至有點天真

倘若我在面臨外面世界前還不改變的說話

我相信我肯定是最容易受傷 最容易被騙 的犧牲品

偏偏係我病嘅時候 金魚搞打邊爐&聚舊 我冇怨言

都係去啦 咁耐冇見  邊爐照打錢照俾

淨食素囉 肥牛一條都冇食 保護身體為重啦 

冇見咁耐實多嘢講嫁喇 對唔住 喉嚨痛 唔多出聲同你哋傾偈添

9點~俾人趕 去碌ling 9個人啦 得3個人話碌 有冇搞錯呢

到仁愛堂 撞正比賽 要等

番10:30喎 阿sir呢 唔見人嘅

阿raymond sir11點半先見人 好彩早番都好嘢做 練開機囉

最後尾一堂housekeep啦呱 考用機擦地啦 好重部機 

雖然部機上個禮拜都用過 但今日ge我仲病緊嘛 不在狀態啦

試用部機 失控囉 360度咁轉 同部機跳舞咁

test喇 短短2分鐘 部機依然難控制 test完冇晒力lu 隻手 17/25合格 

估唔到嘅分數 1:30放學 食嘢先 細,霖,琪琪,馬仔,小朋友&我 6個人

走過去途中 玩cake腳 諗番都覺kai呀 但當時冇咁覺得o架喎

“焗哩腩”x5 小朋友叫其他D嘢食咪嚟 吹下水

阿霖同琪琪哩兩個一o係埋一齊就一定會有嘢嫁喇

佢哋兩個既lo亂骨頭又合拍 傾傾下 可以郁手添 實在冇眼睇喇

之後淨番阿霖,小朋友同我三個 三個6點都有活動唔想番屋企

所以……行番bp經過籃球場 霖話n年冇打籃球 見有班細佬打

就一齊打lu 好正o架 打贏班細 熱到要同霖脫 

講到一,兩句嘅只好一,兩個 

病情今日好轉 但我體會到"冇你咁好氣"咯

番8:30 攞命嘅一日 bartending d notes 教晒

9:30普通話聽人哋講嘢 邊度會有咁好心機聽丫 圍內溫書 5:30housekeeping test嘛

兩個鐘ge課堂 大致可分為兩part啦 頭一part溫書ge 後一part咪放縱囉

唔理三七廿一傾偈大過天 我ok咁揾番把聲喇 愈傾愈放

之後xavier堂 佢俾貼士 梗係俾心機抄低啦

食飯------自家製飯盒 o岩晒病人食 夠清淡 好味~

食完 過半數會員 努力溫習 因為距離考試仲有一段時間

所以開頭 溫下 hea下 其間有買糧充饑又有好笑嘢發生

馬仔rap泰文歌 我係臨考試前"爆men"咁鬧人啦......

開考lu 阿sir放山埃ge 叫我哋溫多又唔出多 合格冇十足把握 

搭車番屋 發現自己一講嘢就好快冇氣 都係少講嘢為妙

口嚨仍痛 不過冇之前幾日咁痛 痛到講句嘢大聲D都難

今日病程係咳同傷風輪住照乎我 +口嚨痛

好無奈呀 山長水遠番到去 淨係簽一簽個名 拎英文成績單 咁就走喇

啫係11:30就可以番屋企喇 我冇咁做囉

反而係同小朋友,阿細,小達食嘢 之後溫聽日test囉

好好彩咁 今日8點鐘都總算肯醒 印象中阿媽叫我今日唔冇番學 睇醫生 但我堅持

9:45 係ciny番嚟前趕到 咁就又多兩個鐘出席率喇 搵個自閉坐 帶口罩 廢事野人

雖然 係異族d 預咗俾人咩我嫁喇 估唔到第一個咩我嘅 竟然係super囉 心淡呀(講笑啫)

英文成績出埋lu 唔洗補考 好嘢~

口嚨仍然係痛 出一句聲大些少都難 lunch人哋叫外賣 我就煩喇

又係果個問題 有咩嘢食係可以周街都好容易搵到為病人而設嫁

冇跟佢哋哎 食喉糖一餐啦唉 唯獨師傅唔知做乜 冇跟佢哋哎喎

原來佢一早想搵我食飯 傾嘢 (係佢心目中 我可能係男版嘅阿lo啦)

去到樣樣食物都好似唔o岩我哩個病人食咁 叫咗個三文治囉

12:30又要上多堂電話 又坐自閉坐 冇帶口罩lu 做番個正常人先

1點完了 我就留低做功課 人哋就打機 好黑人憎呀

尤其係成日叫我快d做完ge阿霖呀 話等埋我趕住走喎 藉口

打機就打機啦 你哋 最衰都係小朋友啦 係囉

我搞掂 都係自己一個人搭車走囉 車上瞓教  瞓教&瞓教

番到屋企食咗少少嘢又瞓教 瞓到10點幾 我發現到d恐怖嘢呀

原來我哩短短3,4日入面 我好多病都輪住上我身

先係星期六瞓醒開始就發燒+口嚨痛啦

星期日瞓醒到踢波前就傷風+口嚨痛啦

踢波到果日瞓教前就頭痛+口嚨痛啦

今日就咳+忽冷忽熱+口嚨痛啦

超搞事囉 唔知瞓醒ge聽日 會係點呢 照推斷係乜+口嚨痛o架喇

不過我當然係想乜都冇 做番健康ge我啦 我呂想啪喉糖 啪上癩呀