今日下晝掛住打機 4:30臨急臨忙咁出門口

番到公司換衫 死喇~頭笠同塊名牌呢!!!冇ge 冇ge 點解冇ge

一個新嚟ge阿姐咁o岩番到 去洗水 我問佢有冇啦 佢就借咗俾我

總算開到工 救咗我一命 一心諗住匿係下欄房執嘢 唔會俾經理發現

但係人有三急嫁嘛___去洗手間啦 撞到經理喎

佢一眼就睇得出我冇帶名牌呀 女人真係眼利過人

8,9點洗水"lum檔"  經理叫我入去幫手喎

搞成咁ge 原來係新嚟借笠俾我個阿姐 真係神又係佢 鬼又係佢囉

睇怕今日又要遲收工咯~唉 

臨尾讚一讚自己先 我知我做嘢快手 經理睇得起我嘛 嘿嘿!!!

10:30收得工 算係咁啦   

另外我有嘢想講 我借俾你ge嘢 好心你就唔冇轉手借俾人啦

仲要係一個我唔識ge人喎 我信得過你先借俾你咋____下次唔好喇

有人ge地方就會有事非 尤其係有女人ge地方事非 特別多

因為女人記性好 哩層當然唔洗講啦 而且佢哋記仇都有一套

新姐同玲姐可以話係樓面大家姐同洗水揸fine人 兩者水火不容

佢哋係我番工ge第二日就......

星期日勁多客 所以經理調阿樓面大家姐幫阿洗水揸fine人洗水

樓面大家姐洗到一半所收工 留鍋粥俾接佢手個新人

洗水揸fine人唔倨 於是投訴俾經理聽

唔知樓面大家姐係邊度聽番嚟 就話靚妹---阿珊講俾經理聽 佢唔倨洗水揸fine人

搞到番工都唔開心喎~

今日樓面大家姐(新姐)好恐怖咁屈阿珊入牆角 亂槍咁掃靚妹

當時我都在場 睇住靚妹俾人掃 知咩事嘅我 凳靚妹唔抵 =[

哩次可以係當作我踏入社會 第一個經驗啦-3-

阿邊個 邊個番工有班fd去探班 而我 就得阿媽係遠處"眯"我 so say><

放工番到屋企 電腦hen咗 開唔到 今日唯有早d2,3點瞓啦 哈哈 

撐到5,6點 終於都頂唔順瞓咗 因為琴日都係5,6點先瞓呀=3=

已經11,2點醒嫁啦 準備出去喇 打電話問人點啦~

差個一分 唔收就唔收 勁慘 佢哋讀到上去ge好多fd都入酒店中廚

直接取錄收爆人喇 唯有冀希8月4可以爭贏d會考生 可以同佢哋再做同學啦

全因我唔想一個咁走呀/.\  

咁o岩放哩日 冇估過會咁o岩放23號 假如我多一分 之後就可以唔洗咁多煩惱喇

首先要多謝冥冥中主宰一切ge果位神俾咗一日假我啦 

咁o岩同阿達放同一日 可以一齊踢波喇 特登冇約到果位

今日全職樓面 冇去執機尾 都好似機械式咁做囉

10:30冇理到入面踢晒腳就走 因為最睇我個玲姐dayoff

聽日係提早取錄計劃 我好忙咁收集訊息 為的是下年有書讀 可以留番係原址

睇嚟今晚唔瞓好過瞓lu

今日番工好開心丫~ 俾人讚, 又可以食貴嘢!!!

因為我今個禮拜調咗做樓面嘛 不過見洗水阿姐搞唔掂 我睇唔過眼幫佢手

同下阿珊得閒傾下一,兩咀咁 10:30放工

今日叫早lu 因為我做晒樓面嘢嘛 經洗機房

見洗水阿姐仲洗緊 我發覺入面冇我都係差少少 哈哈

另一方面 ive轉會考個分出咗喇 有人歡喜 有人愁啦~

個分係高分過上年會考好多ge 應該開心嘅

但___我又為某某擔心出路 佢ge麻煩我有同感 我都感受到

有人又話要過瑞士喇 佢話得我一個人知咋 勁唔知點做

講又唔係 唔講又唔係 ____________好唔開心呀!

一日間所有哩年識ge朋友 (當然係指lunclub最重要果12個啦)

都好似一盤跌咗係地ge水咁 要我哋重聚番晒係個盤度已經係冇可能嫁喇

之後大家會流到去邊 大家都會有各至ge方向

有兩滴將會遠離香港 有兩滴待命 有一滴投身社會 有一滴前途無限

有兩滴找到去向 有兩滴連我也不清 而我就陪著一滴前途灰暗的一位

最後行ge都要講嫁喇"共你們相識的那一天 我永不會忘記 多謝你們"