就算你哋話我幼稚好 話我小器又好 甚至講完之後 你哋唔再當我係fd都好 我都要講嫁喇
聽日阿細先生日 仲乜要今日搞活動呢 搞到我連中學班主任正日生日果個去唔成
之後大家傾過搞阿細生日d嘢 我當時都在場 可能就係哩個原因 你哋就預咗我實嚟
琴日為咗今日去邊好 去唔去都好 煩咗成晚 終於下咗決定 去阿細果度 首先 我以為佢今日正日生日啦
加上lunclub member個個都去 難得連阿lo 放完工都嚟 11個人齊 有幾何呀 咁就推咗miss lau果個
約5:00新之城等啦 我遲到 係我唔o岩 4個字啫 唔等人囉 咁之前你哋遲到成個鐘我都等埋你哋啦 點計先
去到你哋走晒 叫我自己一個去cafe囉 我唔識路阿嘛 問你又答到悔悔氣氣咁 仲收我線添 小達~你好嘢囉
躉我係旺角遊魂咁兜住半粒鐘囉 要阿細就到喇 你哋先搵師父嚟接我囉 之後等埋阿細 接埋阿lo 7:00去cafe喇
發現我面黑呢 你哋問起 當場唔咁講真話喇 俾d面阿細都要嘅 咁咪賴咗落中學果度囉
睇餐牌叫嘢食 嘩~貴到你呀 唉! 好采你哋全部都係叫小食同嘢飲啫 我帶嚟d錢總算夠俾
d嘢嚟到 果邊仲玩緊<<大富翁>>囉 哩邊有哩邊傾計 師父,阿lo又打機 而我望邊度好 唉
咁o岩播緊<<新警察故事>> 我隻眼終於有著落喇 食埋嘢 收埋嘢 之後食蛋糕 影相 唔開心 唔識笑
就算你哋係相度見到我笑 我可以話俾你哋聽呀 超牽強囉 如果唔咪帶咗偪超 遮住我眼部表情 都唔知幅相變成點嘅鬼樣
阿細收住n咁多份禮物囉 勁唔鉅囉 人又係提前一日搞 你生日就去cafe 食蛋糕 收禮物 我有乜呀
好呀就當我哋之前唔熟大家哪 咁12月9生日嘅秋好 係第一個至lunclub成立以嚟生日嘅member啦
記得果日呀 lunch食蛋糕 放學去明將 第二個member生日 即係12月18小cheap cheap地都有塊牌收呀
第三個生日嘅我 前一日同阿細一樣喇 bp搞聖誕party 個個member都係度 你哋又俾過d咩我呀
一餐 冇 一啖蛋糕 冇 一塊牌 冇 一句生日快樂都冇囉 愈諗愈嬲
之後冇嘢搞 個個係度睇<<新警察故事>> 睇完玩UNO wow 搞咩呀 咁無聊
我愈諗就愈覺得對唔住浩賢 對唔住miss lau 超後悔嚟咗cafe 超後悔晒住d車錢 晒時間囉 唔嚟好過囉
跟住9點~玩玩下UNO 忍唔住 頂唔順 暗地裡發俾氣走喇 打俾浩賢 趕返屯門 試圖join返miss lau
10點返到 miss lau 佢哋未走 勁開心 不枉我特登趕返嚟 見到阿龍,大樂,梁友,恩賜......好耐冇見嘅舊同學
收到畢業影果張拎證書相 好慶幸有嚟 佢哋o岩o岩食完糖水 係到傾計 坐得太遠 想聽都聽唔度
講起嘉賢仔 原來佢哋個個都唔知嘉賢仔拍拖 跟住 睇阿龍,大樂同miss lau 個仔打機 吹下水咁
覺得好親切感嘅 個肚勁餓 叫咗少少嘢食 (抵過cafe多多聲喇)
坐到11點都係時候要返屋企喇 佢哋仲傾緊 我又遲嚟 嚟一陣就走 一個人好似唔咪幾好咁 於是屈咗阿龍陪我 |
