一起身零舍興奮 因為哩兩日7:00都起到身呀 又冇遲到喎

上xavier要抄notes 有時真係抄唔切 食腦地用手機影一影 咁就搞掂

都唔知xavier係咪地球人嚟嘅 佢行埋嚟 唔信用手機影會清喎 咪俾佢睇囉 哈~瘀咗

英文照舊speaking 1:30 lunch 自己丁飯  搞到d人都想聽日一齊丁

2:30上bartending 愈嚟愈覺得個新肥佬好正

3個鐘嘅堂 3個鐘嘅嘢 3個鐘內講得晒之餘 仲可以講下自己個老婆

講下d工作嘅趣事 講埋我哋d升學途徑 試開埋枝酒

又識同學生打關係 上佢堂一d都唔悶 佩服~ 佩服~

今日正正常常咁番學 係上ciny堂電腦有d作反啫

上d堂愈多 同d老師愈嚟愈熟 換個角度講 係唔當佢存在

可能d老師同我哋嘅年紀差唔多 冇咗d老師嘅威嚴 上佢堂真係聽佢講書嘅人 少之有少

對住部腦 就算上唔到網都好啦 淨係搵隻mouse禁禁下 都會分散注意嘅 更可況佢今堂講嘅只係word  小學生都學過啦

11:30放個lunch 比上次多咗5個人去haking 食  好多背囊人呀~個個都唔同色嫁

都唔知阿霖同師傅做咩嘅 雙兒又跟住佢兩個食米線嘅 唔通A_A

點半練多1個鐘speaking 之後我出旺角去買背囊 阿霖同師傅又肯陪我喎 咁就一齊出喇 (小達好似好想一齊出,但......)

出到去 買袋先 其實係幫細細妹買啫 我一個夠嫁喇 師傅睇睇下d手繩 見o岩就買 超癲呀

之後行去潮特 阿霖話買襪 其間師傅走咗入錶鋪 拎張n年前嘅單拎番隻要整嘅錶 佢勁好彩囉 間鋪仲係度 隻錶仲係度

阿霖又買咗心頭好 之後係潮特逗留咗陣 逛下 5:00過88打藍球機 打喪屍

我話去睇波boot 師傅唔o岩 所以打咗陣 好快就走

boot真係好多呀 最衰丫隻nike 有款冇色 最後都係得個"睇"字 6點各自各番歸

今日就好似為波以生咁

9點起身踢波 2點食個晏 2點半又踢波喇 踢到6點半番屋企食飯

唔知點解呢 由朝可以踢到晚嫁囉 好奇怪嘅 踢完上晝 腳都勊啦 但下晝都要踢嘅

都唔知自己做咩嘅 我諗部腦 開唔到msn係最大原因喇

對一個冇任何戀愛經驗嘅人嚟講 沉迷係一樣嘢嚟講就可以好快咁消磨時間嫁喇 我認為啦嗄

打機就係個好普遍嘅例子 有人打機打到不眠不休 打到飯都可以唔食嘅 我唔好打嘅 我唔會係哩d人

咁當然啦 做咩做到過火都唔好嘅 我承認我今日踢波踢咁耐 真係有d誇

但好不其然地 同佢哋踢波就會好開心嫁喇 俾佢哋d低能嘢 難gab 入波後嘅高興樣 感染咗我

為咗個入波可以好賻 唔理三七廿一出腳踢埋去 為個波跑嚟跑去 整傷流血都可以唔理嘅

哩d就係男仔嘅世界

若然 我可以放棄空閒時間 以後都唔踢波嫁話 我諗我梗係為咗一個人喇

一個對我以往 現在 將來 都做成影響嘅人

今日偶然間番到呂中 唔係探老師 唔係拎番d乜 而係我同華d練跑前嘅一站

我點幾瞓醒 見冇嘢早 之前同華d講咗練跑預埋我 (為下年跑10km做準備)

4:30約咗佢係呂中門口等 過咗鐘都唔見人 佢又甚少遲到嘅 周圍望望

佢係呂中度行出嚟 叫我入去喎 當時我哋兩個都冇著到校服 我好驚咁入咗去

見到學校入面好多低from 打波 有d仲係小學生唔咪哩間學校添

周低from打波 見到校長 見到神鵰 佢見到我哋都冇乜嘢

但係學校就變到社區中心咁 好有生氣 唔似miss lau 口中咁 (可能係週末唔洗上堂嘅日子嘛)

上咗一粒鐘"PE"又打乒乓波 又踢過陣波 諗起以前上P.E堂嘅情景 好點感觸 又好興奮

之後去兆鄰 同華D6:00跑到6點半 跑咗10~個圈 距離10km仲有一段距離

行番嚟置樂 同佢吹咗兩句 咁o岩佢今日生日喎 佢哩個18歲生日真係唔知點形容喇

嗯~可以話係無聲無色咁就過啦 生日原來唔係咩一會事咯

e家英文堂 成日都係做下d speaking 下個月就要考嘛 所以有親英文堂都要操

雖然係好悶嫁喇 但冇計啦 操多d高分d嘅

11:30放lunch 一齊食燒味飯 10個有7個都食叉燒飯 因為之前1:30買

就俾人買晒 今次咁早 一於食個夠去

跟住上全人 Arthur講環保嘢 我哋有好多人都做自己嘢 臨2:30落堂 就吹佢落堂

佢問乜 都答知啦 得啦 塑性以群眾壓力迫佢落堂

原本要上Raymond Ho嘅執房嘅 佢有事喇 唔洗上 唔洗俾佢寸

放學嚕 趁有時間 出旺角先陪琪琪買戲飛 沿路 佢同阿霖打嚟打去 好似耍花槍咁 勁好笑

之後買信物 d主色俾佢哋揀晒咁濟 黑白灰紅黃綠紫都唔揀得

於是自己諗住買啡色 出到去 買到隻啡啡哋嘅 小達都買咗隻藍

一落商場 我個隻色變咗鴨屎綠 超唔開心

師傅未食嘢 陪佢食少少嘢 再番番間鋪 係鋪外面睇番d背囊 唉~灰咗 原來一隻啡得冇

算啦~ 用住先啦 遲d可以大家輪流轉色用嘅

5:00鐘等車 等咗廿分鐘先有車 好激氣  .\ _ /.