日日都係咁過 好悶丫

年初三嘅今日又係同琴日嘅遭遇一樣 冇街去呀

凌晨3點~睇埋<<追擊8月15>>撻落床打機 諗住一打到攰就可以訓得著

點知愈打愈唔想訓 打到天光 8點~先覺眼睏 訓到點幾

佢哋又出去睇戲哪 琴日睇周董 今日睇星爺 前日就買定晒飛啦 冇預我 灰晒

今日都算頹廢囉

打機打到通頂朝早8幾先訓 訓到5點幾 琴日又話同阿媽,細細妹睇戲 諾唔可以兌現

可能因為佢哋冇叫過我起身 可能因為我太攰 可能因為潛意識覺得同佢哋睇戲唔慣 更可能因為我相信佢哋兩個去睇會開心d

起身見到佢哋睇完戲番嚟 臺面上有個食剩一半嘅飯盒 睏完食完又打機喇

夜晚一家人諗住去睇煙花 因為阿媽嘅一句說話 冇去到 我都唔想去啦 嫌遠又多人

同阿爸買嘢返屋企食 哩樣都算係唯一有意義 對屋企有貢獻嘅事喇

哩排越嚟越夜訓喇 大前日5點 前日3點 琴日8點 唔知今日我又要到幾點先肯訓呢

哩d係咪叫作賤自己呢 訓又係訓8,9粒鐘 但總要搞到個生活時鐘亂晒

難道 人大了  時間 就愈來愈難控制了罷

年初一喎今日 行嘅都要講句新年快樂先啦

今年都可以算係最偷懶嘅一年咯 記得以前 我哋三兄妹實晨咁早起身 叫醒阿爸,阿媽

同佢哋講勁多恭賀說話 先拎到佢哋兩哋兩封利是嘅

今日好記得係一點起身 因為一起身就聽到新聞嘅嘟嘟聲囉 之後咪食番d乜糕嘜糕應節

頭兩封利是就係哩個時候收喇 跟住就好放心咁係屋企睇電視

因為我哋d利是 阿爸會幫我哋搞掂嫁啦 佢係9:00幾叫過我哋起身 我冇起到丫 咪繼續訓教囉

4:00出去搭車喇 鬼死咁多人 條人龍長到呢 開頭嚟親d車都冇位坐嫁 條龍愈嚟愈長

班259D又嚟得慢 唔知係咪巴士公司嘅特別安排啦 開嫁空車嚟載晒條人龍 我哋先有位坐咋

5:00去到姑媽度 見到阿婆同佢果封利是 有少少驚訝嫁 以為今日會見唔到佢添

之後坐咗陣 6:00落去酒樓食飯 8:30走LU 又係搭259D 返  架車嚟到係冇位坐嘅

同細妹照上 唔想食風嘛 走先 一個鐘車程

琴晚打機5點幾先訓 今日兩點起身 食糕 貼埋個揮春 準備過年lu