一個禮拜唯一一日要8:30返 偏偏係今日嘅囉 偏偏琴日訓唔著 偏偏第一堂就係上肥佬堂

7:45起身話早唔早丫 搭半個鐘車去仲有3個字時間剩添 最理想就係咁諗

咁點都要食少少嘢嫁 唔係點捱到1:30放學呀 於是食埋嘢7:55出門口搭lift啦 o岩o岩落咗嫁 錯過咗就錯過咗

去到巴士站已經8:00喇 一落到去又冇車搭住 因為條龍一個人都冇囉 即係開咗架車冇幾耐

企下企下 有車嚟喇 不過都冇位企嫁 此著仲有一絲希望 希望架車開快D 肥佬又可以遲D入嚟 企係巴士司機隔離都冇計

8:35番到去啦 肥佬嚟咗喇 o岩o岩點完名 o岩o岩開始講note 我灰咗囉 覺得我趕番嚟係冇用

上完堂佢有點多次名 仲有點到我添 冇著制服嘅佢都好似有點到 真係人會變 月會圓囉

跟住上普通話 係上年果個孟老師 好好人嘅 上完先前果堂之後已經好攰 加上訓唔夠 恰咗陣 繼續聽書 

上完哩堂11:30已經feel到肚餓 唉~仲要捱多兩個鐘 先有得放學真係攞命 上上下有恰咗陣 又繼續聽書 

終於等到放學喇 唉又話一齊整蛋糕俾琪琪喎 唉 料你哋又幫手買 去小朋友到托咩 剩返我同師傅

搭咗搭長途車番市中心 可能師傅搭慣59X 搭到攰喎 搞笑 3:00喇 餓咗7粒鐘哪 再唔食嘢會死嫁喇

食上海麵 頂~真係好彩喇 漏單都有喎 冇啦啦又要餓多半粒鐘 4:00番屋企換衫搵師傅

淨係買個蛋糕模都搵咗好耐喇 由屯市搵到新墟 再由新墟搵到置樂 終於係置樂度搵到

再兜返上屋企拎個盒 兩個鐘個總算可以買齊 番到屋企攰到即刻訓著哪 8:00開飯冇食到

阿媽留咗飯 10:30訓醒佢幫我蒸番熱 冇怪我冇幫手 好耐冇感受到佢咁關心我嘅一面喇 

好遲訓教 好遲起身 好想唔番今日果兩個鐘堂

番11:30嘅 11:00俾阿媽叫醒 話我仲乜有學都唔番喎      唉~番囉

反正點趕番去都係遲嘅 咁就食埋個早餐先慢慢番 但遲到都有個譜嘅 12:00番到去

樓下撞到琪琪 又係遲到 估唔到有人陪行入課室 冇咁樣衰啫

入到去求期見有位就坐 一坐底 試圖搵下cherie教到邊 但搵極都搵唔到 無奈地恰陣

12:30師傅遲大到 行埋嚟嘈醒咗我 於是聽書 直至點半落堂放學

之後跟super果D 搵sherry果D 一行12人去西九美食廣場食LUNCH

食到3點 12人團變撚會團 6個撚會member 過去黃金睇嘢

唓~阿霖又話買手掣,買喇叭嘅 最後都冇買到

4:00 6個人去旺角 又要析團 師傅話打機 阿霖先前約好琪琪話睇戲 唔知去邊好

去到新之城前 擾攘咗陣 終於諗好去邊喇 哪 師傅,小達,super就打機

o岩o岩好係6個人嘅一半 3個人同3個人嘅配搭唔錯~

我講哩個都唔咪最主要嘅原因嫁 其實我係唔想打機 最真個句係唔識打機 俾我去到都唔會打囉

之後分團啦~ 同阿霖,秋她 去UA 4點幾 到UA 原本想睇個齣<<魔法奇緣>>3點半開咗場

跟住下場就8點 咁遲唔睇啦 於是揀咗齣最近嘅<<P.S.I LOVE YOU>>4:30 

開場前琪琪同馬仔趕到嚟 即買飛即入場 唔~哩類題材嘅戲都係第一次入戲院睇 幾感人嘅

我發覺戲入面個DENNIS幾似我 尤其係係性格方面

開頭都係想愛但唔識愛後尾就好似某段時間嘅我

套戲有感人位嘅 睇完出嚟D女仔話有留淚 不過留嘅個時間人人唔同

講真 我有眼濕濕嫁 仲捐咗滴眼淚俾齣戲嫁 經過哩齣戲之後 唔多唔少令我對愛情嘅睇法改變咗D嘅

番到屯門 幫阿媽買埋嘢 8點番到屋企 

準時9:30番學 上ciny嘅電腦學文書處理 啫係Word

用中文教用英文會練習 有一定難道

cherie病咗上得一堂英文 4:30~5:30個節唔洗上  所以3:30早咗兩個鐘放 好突然

lunch時 約好3:30 high T e家唔洗啦

原來好多"撚會"嘅成員放咗學都會好忙

連夜晚d時間都可以有活動  哪~有返工,有睇戲,約咗人等等

哩突如期他來嘅兩粒鐘 為佢哋添到唔少麻煩 唔知點過 唔知做乜好

我一向都慣咗放學就番屋企 如非必要

陪唔到人消磨時間 真係幾唔好意思呀

老實說 我係得閒嘅 就算番到屋企都冇話一定有嘢做添

但我份人就係咁 應去嘅會去嘅

星期日嘅朝早 又應承咗山佢哋9:00去踢波 琴日2,3點先訓 唔到山9點打嚟 我都唔識起身

半粒鐘出到去 山,肥佳,西華同稀客王耀嚟到 個場被BOOK 10:00先有得跟隊

幸好10點前嚟多4個 總算夠人踢 今日遇著d水準差唔多嘅人 踢落好吃力 輸得都幾多

諗番起嚟 都有成兩個月好耐都冇同阿達踢波喇 佢一唔係到 對波嘅攻力確實大減

原來"世界上冇咗邊個係唔得" 哩番說話 我經過今日之後開始懷疑哩番話

世界上雖然每分每秘都有人離開 地球都一樣轉 我唔可以否認 有d嘢真係冇咗邊個唔得嫁

就好似bb冇爸媽嘅照顧 社會上冇咗警察 國家冇咗領導人咁...  你可能會質疑我 話冇咗佢哋 咪搵人代替囉

bb可以放係托兒所 冇咗警察叫政府抽調人手 冇國家領導人咪搵人頂住囉

冇錯呀 哩d係可以短時間解決到問題嘅方法 但長遠呢 我諗未必得哪

同樣道理 我可以一日,一個月唔見你 我都可以自己生活下去 因為我e家可以靠心裡嘅你過日子 

其實 你有冇覺我係你身邊係零舍開心嫁 可能你冇留意到啦 不過都冇所謂啦 e家俾你知道都未遲

但我唔敢保證 日後嘅我可以單靠你嘅影子過活

你要說 我維持了這個期限兩,三年是浪費光陰的話 我會說是能令我不斷喜歡一個人的你是多麼厲害

兩,三年來 我喜歡你的程度有增無減 如今我漸漸明白愛情是何物

對我而言係天天都想見到你 見到你個心會噗噗跳 見唔到你就會忐忑不安

點幾踢完波 同熙華,爸爸去咗間冇後生會去嘅茶餐廳食晏仔 吹多陣番屋

下晝幫屋企手去拎西餅 落到商場撞到金魚同輝 佢哋話去2日1夜台山 講到興致勃勃之際 俾我一句說話打沉

陪我拎完餅 陪佢睇眼鏡 又撞到熟人 楨同"冷麵" 楨識d fd都幾正豆喎 繼文仔之後又一爛gab王

同哩d 人做fd都唔錯丫 記得我IVE度都有個鐘意搞下爛gab 好似叫阿霖A_A

今日好開心丫

之前浩賢同我講 今日同大曾飲茶 仲叫我朝早一齊去霸位 我同佢講好起到身就好

但訓到1點 見到個電話冇電  心諗佢哋會唔會食完嫁  喔~死得啦!

於是急急腳彈落床 搵差電 開電話 過咗陣 浩賢打嚟 佢話未開始食 係到等緊人

跟住咪梳洗下 1:45出門口 去到滔香 嘩~多人到丫!

之前都咪去過果度飲茶嘅 又冇人陪 自己瞎中中咁行入去啦 見到有人同我揮手喎

座低咗 見到張臺得浩賢,嘉謙,阿YAN......7個人 唔見大曾 當時覺得有浩賢係到就冇問題

於是開始食嘢啦 食食下嘢 浩賢叫我 咪有禮貌咁望過去囉 原來大曾一早就到咗

仲有MISS LAU 震民,阿龍,細樂,恩賜......10幾個人就係坐咗係隔離 我先見到 發覺自己真係好"削"

大曾同MISS LAU食食下嘢先後過嚟 我哋張臺傾計 大曾問近況 MISS LAU講中學嘢

3點幾埋單千幾蚊 冇諗過唔洗甲 大曾竟然請飲茶 成廿個人 估佢唔到

之後佢走先 我哋就坐多陣 MISS LAU派利是 人人一封 哩樣又係估唔到嘅 =O="

一大班人走咗去搵寶珍 係允計前企咗陣 搵地方出 番屋企嘅番屋企 打機嘅打機 唱K嘅唱K

我揀咗最尾果樣 同嘉謙,嘉里,wendy仲拉埋細樂去唱 過到新墟唔知點解嘉謙去咗買五代同堂俾wendy

話咩禮物唔禮物 wendy又拎住行喎 超玩得囉 佢同嘉謙 去到neway 見到coby

錦婷又係唱唱下嚟 愈唱愈多人 聽嘉謙so lo 嘉里唱歌 同wendy佢哋唱 都係第一次咋

嘉里好多飲歌啵 A_A 加錢食buffet 唱到8點 盛惠每人$115 細樂仍係冇變 扮冇錢 要人請

冇計喇 都唔知下次唱係幾時 請一次半次 o徒一次半次錢啫 雖然同佢哋唔熟 未算得係fd

但能夠用少少錢 維持中學同學間嘅關係都抵晒啦 加上未試過同哩班人活動嘛