今日做親咩都好似唔如意嘅 究竟係天意定人為
今朝12:00點起身 起嘅時間好尴尬 食早餐又遲得濟 阿媽又食咗早餐冇幾耐
晏晝佢又唔會咁早食 於是自己整咗個通粉食 發現個頭好亂 禁極都禁唔低d頭髮
2:30喇 見都整唔好 又要番學 唉~冇計 個頭唔再理喇 番學要緊
出門搭車啦 去到車站 見住架車走 超無奈囉 等到下架嚟都係十分鐘後嘅事喇
假如架車開快少少 飛緊幾個站 我都可以趕得切唔駛遲到嘅 世事就係咁 站站停 開得又慢 遲咗幾分鐘先番到去
平時同開阿霖坐嘅 佢今日又坐咗後面 要自己一個人坐係角落到
遲到個心情已經唔好 d頭髮又咁玩我 連阿霖都...
英文要錄音做練習 諗到琴日師父番說話 睇個篇嘢好仔細 好俾心機咁pre
一到錄音果陣就兩會事 但我都好努力完成篇嘢
之後miss又派多份嚟做 pre果陣好容易就講到出嚟 但一錄就 個腦就變到好空虛
乜字都冇 唔識講 眼見自己努力咁pre 一d成果都冇 自己個心情又down落嚟
對眼前嘅事物完全失去動力 又肚餓 諗起現在冇人幫到我
於是蔽上眼 試圖尋找你 為我添上動力 我在海腦裡尋到你 生存的動力也找到
可惜我被海腦的你吸引住 不願離開那裡的你 陶醉在這樂土內 個多小時了
接近落堂嘅時候 我醒過嚟 又有練習做 要同人對話添 當時好唔想努力 覺得練習啫又唔係考 冇理到
係耳筒度聽到人把聲 我冇出聲 但佢估到我係邊個 佢係肥仔聰
我唔想累佢 同佢講我唔想做 唔識做 佢好明我想點 佢同我講"唔洗急 慢慢嚟 "大概係哩d啦
跟住我好努力咁講喇 為咗佢 為咗唔想累佢
放學 好想喊 落到樓 撞到佢哋仲有小朋友 我知佢哋係為咗下個會員 阿lo嘅生日 企咗係度嘅
我冇好似以前咁停底 等 邊行邊過 唔想佢哋見到我 又想佢哋發現我 安慰我
當我行過佢哋 聽到有人同我講"拜拜" 好大聲嘅係個傻仔 小達 我當時笑咗一笑 係我今日唯一一笑嘅時間
跟住過haking買書 冇貨喎 於是搭車番屯門 車上打機 打親都輸 打到我唔鉅 機都熄埋
好想喊 好想喊 問自己讀書為咩 番學為乜 今日點解咁黑 但一諗到我係世上仲有嘢值得我去等 值得守候嘅時候
我果d負面情緒都唔見晒 唔打機 咁就聽下歌 番到屯門 問過兩間書局 本書都係買唔到 好嬲咁番屋企
化悲憤為食量 屋企有乜食乜 零舍開餵 夜晚餐飯都係 冇咁唔開心咯 |
