朝早因為要籌備琪琪今日個"驚喜" super琴日就同我哋講定今日返1:00開會
你哋話就話一點嘅 我點3先返到嚟已經覺得唔好意思嫁喇 點知要等到2:00先齊人
本想由果陣開始黑面 但it's ok 你哋遲慣到嘅 又可能真係為咗琪琪個生日先咁遲啦 假如我怪錯咗嘅 好對唔著
果然你哋個個遲親到果d都做有準備 唔單至有各式各樣嘅禮物 阿細仲好有心意 咁自制咗12個靚靚相架
我好愧疚 又好羨慕 愧疚自己連一梳蕉都冇 羨慕琪琪有咁好嘅朋友 我大概寫咗哩d說話落個相架後面啦
又要包禮物 又要set定向 半個鐘唔夠時間整 咁唔知邊個就話唔上普通話堂囉
我覺得佢有點過份 晨早番到學喇 竟然為咗搞d私人嘢 連堂都唔上嘅 難道我識嘅佢真係咁嘅
我知落力去俾surprised 朋友個出發點確實係冇問題 但...要犧牲上堂嘅時候卻有點兒那過
群眾嘅壓力影響可以好大 我本想2:30就去上堂嘅 你哋又留係度 咁 我都留係度啦
可能我唔識拒絕人 又可能我怕hurt到人 更可能係我懦弱 需要朋友 需要依靠
後尾整多十幾分鐘之後 都肯上堂啫 咁先對得往孟老師咋 之後上埋英文就放學嚕
今日11點起身淨係食咗兩塊包就番學喇 撐到e家5:30咁耐已經好辛苦 好肚餓喇 恨不得 一嘢食晒成個蛋糕
早之你哋遲到係屋企食埋個晏先去嚟啦 難道人大咗 就會唔記得守時嘅重要性嫁咩
5:45佢哋玩埋個定向 珍姐嚟清場 超黑人憎囉 6點都未夠 之後去咗901度 唔到6點又要清
多得money姐 話8樓未鎖 我哋先有個好地方 同琪琪慶祝咋 先係續份續份拆禮物
好多好特別嘅囉A_A 尤其係師傅果D虫虫 嚇到琪琪咩咁 超搞笑
終於都到食蛋糕嘅時候哪 霸唔到靚位"搶"添 如果唔咪小達乂咁大舊嚟 我都冇機會食到師傅嘅蛋糕丫
你哋唔好怪佢喇 講真除咗因為肚餓食咩都覺好味之外 D朱古力漿真係好得 唔咪講笑 夠味得嚟 又唔"流" 正呀
6:00~離開BP 商討一下陣間去邊 唉瀨嘢 又要出旺角拍貼呀 當時 猶疑緊去唔去好 出咁遠為咗影貼紙影
我就唔鐘意囉 心諗近近哋西九夠有啦 點解次次一出就要出到旺角喎
其實我果陣唔咪面黑嘅 只係諗緊嘢啫 諗緊去唔去好 諗緊點樣可以令你哋改變主義 諗......
醒起阿媽今日農曆生日 咁就以哩個藉口一心諗住可以令你哋就我 去附近就算 另一方面係想你哋唔整人 之後D活動都cancel
係就係自私嫁喇 但我都係想lunclub嘅嘢 我可以當你哋講起時我都知丫 因為之前實在係有太多得你哋知嘅 而我唔知嘅嘢囉
最後你哋都堅持出旺角 咁我未跟囉 係就係有d唔開心嫁喇 自己個奸計唔可以得呈 又多一日冇幫阿媽手執臺開飯喇
出到旺角都7點幾哪 自己5點幾同就同阿媽講番嚟食嘅 之後就同佢講我8:30都未番到嚟就唔洗等我 留碟飯俾我就得
自己又同佢哋講趕住番屋企 影埋貼紙相就走 原來我一冇屋企人打嚟推我番去 我就放縱 連時間都唔知
加上佢哋有排先拍完貼 中途又過咗去睇扭蛋 cut埋貼 過埋膠都9:00喇 當時唔咪你哋話食嘢 我就已經要走嫁喇
因為我驚miss咗d 部分囉 好似上次阿細生日又係 秋好生日都係 所以今次我零願俾阿媽鬧 我都唔番屋企住喇
9點幾上咗"沙嗲王" 等位等頗耐 師傅個蛋糕消化得8899 當時真係好肚餓嫁 又想同佢哋食埋先走嘅
但一諗到聽日番9:30 頭先叫咗阿媽留我飯嘅關係 餓極都要等你哋影晒相 肯定你哋之後冇活動先捨得走
我真係唔想以後lunclub影相果陣少咗我一個囉 10:30番到屋企 晚飯變宵夜嚕
|
