辛苦完成個月　計計圭埋終於有７０個ｏｔ鐘喇
可惜吖　我嗰兩日遲到半個鐘　早餐都未食就趕番嚟打冰
佢竟然冇計到我囉　　算
反正出得嚟做嘢就預咗洩底
 
頂條友開盤又唔跟飛喎　ｏｒｄｅｒ係咁走
之後竟然話我個餐走咗唔收飛囉

就嬲佢一陣　寧願幫手散下欄都唔入檔睇佢點死
結果佢搵強哥哎人搵我番去
我睬佢呀　夠鐘　食飯　你哋慢慢玩
ｂｙｅ　ｂｙｅ
 

今朝得個兩倨人開糠（娘親同強哥）
一睇就知　加個細娟番７就算開得切檔都做唔嚟啦點
於是芳姐改我番６收工時間不變
即係連續兩日剔乂　ＨＡＨＡ
同琴日差唔多做法　頂晒食早餐咪打冰囉∼

佢哋３個應付得嚟　加上頭兩個鐘人唔多
８點半度打完喇企咗陣
彩都番嚟　可以放心執埋我Ｄ首尾
Ｄ人瞓得晏　９點先多人　
１０點芳姐番嚟　強哥就閃人　
側我ＣＡＬＬＥＲ囉　　對手係大佬囉
明明我跟飛ＣＡＬＬ嫁啦．．．不知幾清楚呀
係Ｄ人未瞓醒哎嘢食都唔講底堂食定外賣
買餐又多喇喎　”唔好意思轉外賣”
明明ＣＡＬＬ得好順　俾條仆街仔整一整大佗”火慶”晒
下下飛嘢出嚟囉

茶餐娘親幫田師傅收飛都收成粒幾鐘
堅係一個人企水囉　
其實Ｄ嘢齊呀　夠我一個人企兩個鐘水有餘啦

芳姐夜晚學強哥檔都唔入囉
成夜８千蚊　有２／３係我同細娟，阿彩努力番嚟嘅
廚房Ｄ位企亂晒ｇｅ冇眼睇呀
你知阿霖出嘢慢嫁啦　又唔齊喎
仲係拍森哥企前面　激到我火都嚟我
 

前幾日同阿彩口頭協議咗我番６佢番９
佢冇嘢好記　記得自己越夜番就越好　每日番十個鐘就足夠
但我見更期改都冇改囉　＝３＝
算　番早就早　竟然佢９點先出現
一ｄ都唔搞佢個預產位喇∼
早ｄ打完冰可以專心砌檔　佢可以專心預嘢

細佬難得一日企過嚟仲好快手吖　
搞到我冇嘢做囉　正衰人
第一日見識到個新人　企文治
哈哈　好呀　唔冇過嚟阻我哋砌呀
不過芳姐下下追ｃａｌｌ睇佢都辛苦

夜晚交晒ｓ搬搬抬抬下欄嘢ｄ工作俾新人做
第一日都唔知教佢Ｄ咩好（就呃你嘅）
係唔知佢份人點　淆佢啫　．．．．．．
估唔到成日都有精神囉　ｘＤ
 

不知幾耐冇瞓過十幾個鐘呀
琴晚放工番到屋企就好早瞓　
今日２點先起身　始終都係個被竇舒適

知道芳姐會調去６３６之後
都聽到好多人ｇｅ講法　自己好忐忑
可唔可以話係意想不到　突如其來ｇｅ打擊呢！！　

好理性咁番咗嚟開門做咗個上晝先同我講唔舒服
叫我轉告俾豪　佢唔舒服走先
我哋做細ｇｅ上面話乜唔逆佢哋意就可以長做長有
但做嘢唔係靠一個人　而係靠一ｔｅａｍ人
ｔｅａｍ人半年唔埋就換批新　唔係好事

七乂完好攰　迫不得要遲到
一個人早走自然有人要收夜ｄ
拍多娘親兩個鐘　呵呵