７尾嘅一日　３點幾又咳醒之後都冇瞓番ｌｕ
開一開電腦　夠鐘就番工

每個人都有佢ｇｅ優點
每件事都有佢ｇｅ好壞
每個決定都會有佢ｇｅ因由
只係在乎你用咩態度去睇嫁啫

由我入職咁耐　都眼見過幾次人士調動
翔哥　梅姐　阿娟　萍．．．
當然佢知道佢哋走總會唔捨得
之後慢慢就會俾時間同化

知道錫我ｇｅ芳姐會走　難過　可惜
話晒大家都拍咗咁耐　
職位上可以頂替得到　但地位上唔得
假如梅姐係阿媽　翔哥叫老豆
芳姐就係比我大十多年的一個家姐
佢就猶如媽媽清楚你一般清楚我
其他人都及唔上佢比我更了解自己

細佬同我差唔多　吹兩吹
知道多咗實戰上注意ｇｅ地方
同佢講完　發覺自己較以前確實改變唔少


最後一句”係囉∼要時間慢慢嚟嘅”

我真係頂佢哋三個師奶仔唔順喇
圍埋一齊吹水　永遠都唔會預我

佢哋見我哩排做嘢咁積極
私底下計我有幾錢糧囉．．．
咩一百個鐘ｏｔ　加埋底薪有７，８千喎
哈哈　有８０個ｏｔ鐘已經好西利嫁喇
如果要做到佢哋所講咁　
就要好似阿霖同森哥個ｄ咁嫁喇
首先要多謝彩姐咁高抬貴手咁成全我

而家日日番９收１０　８點幾起身已經成為習慣
 

冇意思...    咩事呀...
你都益嘅...  你都"臣"嘅 ...
有時D嘢你要知囉...
只要你鍾意 甚麼都可以...

哩幾句成日係公司聽番嚟
其實有咩意思呢!?
應該就冇乜意思嫁喇

今日又遲到番工喇
唔緊要大把OT鐘啦我
多半個唔多 少半個就真係好少

同人換下調下 成個星期至少番9
我發覺最難企係兩個時段嫁啫

一,茶餐開波
二,八點打後個輪
其他時間都係咁囉

淨係番到屋企先咳囉 特別係瞓覺嗰陣
咳到瞓醒 點幾一次 6點又一次
我終於知道畸解醫生開ge藥通常都係4個鐘一次喇
點幾醒咗食完藥瞓番啦~    隔4個鐘左右又咳醒

琴晚俾芳姐同強哥講一講更期由番12變番
其實佢唔講我都會係6點至9點間番刑去嫁喇
我理得佢會唔會計我卡鐘吖
計嘅自然係好啦 唔計嘅我都冇所謂
反正我初期番早係基於我覺得唔識開文治檔係好洩
佢哋個個都有機會番早收早
我收早到極都只不過係間唔中一,兩次8點

今日同親娘好合拍咁搞好水檔
哩個萬三茶餐總好比琴日少一,兩萬ge荼餐企得舒服

俾人入侵我ge私人空間仲左右我...好!!!細佬

 

要我明白做經理ge難處
對唔住我唔可以 身為一個低層點可能會明吖
芳姐哩d唔大唔細ge夾心楷層係比我接近強哥(諗法上)

同彩食飯以一個小人物ge角色傾218未來一季發展上遇到ge問題
點幾條友拎張水柜標準sent法嚟搞亂檔囉
係樣樣都放到入水柜好整齊添
但唔使做生意咩 放到咁 叫我點去企水呀~
如我琴日估計一樣 今日智發一次脾氣
開頭係估今日2,3點一個人企水要一次過沖十幾廿杯嘢
沖唔切 冇人幫 沖到呅 之後發脾氣 等人哋自自然然幫手

多得今日芳姐肯過(水)檔咋
如果唔係茶餐冇咗娘親都唔知點死法
唔該阿彩唔得閒都過嚟幫我沖 因為我仲唔得閒
成日冇停過咁做嘢

6點之後拍3個管理層到尾 兩日都靜 係下晝人多dd
芳姐竟然霸咗個水檔囉 搞到調轉d嘢做 收糠都冇咁快
9點先收 大家斬要做到10點打後至走得

同一番說話出自唔同人把口會有唔同
雖然同芳姐一樣人係馬 但我唔識講嘢
佢總會明白我 知我番工諗乜 因咩唔開心 發脾氣
因為年齡  睇法會變得客觀
因為職位  諗法會變得全面
因為資力  做法會變得成熟
我要去新鋪從零開始