今日已經係連續第3日番8喇
日日6,7點起身實在太唔似我喇
無奈更期咁編 明明我番嚟d客都唔多
8點鐘連收尾d人都番齊 真誇張

下晝太攰喇 食完飯唔想企檔
好想瞓覺 諗諗下都係瞓好喇
記起之前阿萍食9個字飯都係咁
我食3個字 瞓半粒鐘番去啦
出面落雨 好凍

就好似講緊我對哩份工ge熱誠又減退了
我竟會想 聽日甩底唔番@$%@

起身就番工 悶  生活毫無甚麼色彩.....
今個禮拜廿個ot鐘咋
唔係佢將我其中一日番工當假咁計我
之後先補返  我有三十個ot添

 

本應番12 但知道梅姐編到朝早唔夠人企
於是琴日拍晒心口講今日8點番到嚟啦~
結果7點幾番到 梅姐見到我冇愕然
仲好友善咁笑住口同我講 食d嘢先 番嚟企caller

2點水吧冧到狗屎咁 自己就係廚房到偷閒
無計 奉上頭命令 霖搞外賣嘢 頂佢位喎
5,6點同阿云搭的送去兆鄜
個司機為就我哋係禁區停底俾我哋上貨
一陣啫 就有兩個差佬走嚟搵司機"車牌 身份証" 
好內疚囉 梅姐仲係隔離同我,云講 得啦得啦 上車
佢知唔知為自己方便 俾到麻煩人嫁

送到去有貼士收 哈哈
同琴日一樣旺開頭個段 火鍋早停
淨賣鐵板咁制
 

同芳姐講今日十點先番到
不過八點半自己已經現身 哈哈

我和你之間還缺少了甚麼
一些主動 一點承擔 或是一次扣人心弘ge觸動
答案就遲d先尋找吧=]
 
收8諗住可以二人世界一下
不過有粒好"殘眼"ge電燈膽囉>3<
em_可唔可以話佢好q阻我
憶或佢幫咗我過哩3個鐘呢
我哋所傾 所講ge希望能夠增加你對我ge認知啦
嘿嘿................
 

終於都過埋最不平安ge平安夜喇
為了外賣大家都辛苦了

未見過d人餓成咁 一有得食啫
唔洗10秒 5磅沙律掃清
半個鐘十幾支汽水飲到一滴都冇
嘢食剩都唔剩下

見到阿漢番工勁開心
因為可以甩難唔再廚房仔喇
不過眼見水吧冧檔 哩入廚房幫手先XD
唔洗對客唔洗急丫ma

聽到梅姐知我番出水吧就改更期俾娘親放
加上cam錢個度又俾少我
彩要食飯我就要出去頂佢
我頓然覺得我只係一個波 邊度唔夠人就塞我去邊ge一個波

係啦~~諗到哩點發過脾氣 精神崩潰
冷靜唔到 好啦~換衫走人 
反正漢今日唔番我都係廚房嫁啦~
換完喇 食口煙 煙都未點 已經
哩兩個星期真係好難捱 煲 爆了
喊完係舒服d   ge ..........

夜晚鐵板好旺 萬二乜都賣晒咁制
芙蓉蛋 西冷 真好做 哈哈^^


也許要學會體諒工作繁榮的上司
有家庭負擔的同事了
 

原來廚房大佬叫梅姐俾我幫廚房
只不得我是人 一個收得尾ge人
而水吧需要我就不同 因為我係阿東

我茶餐俾阿霖話一話出咗嚟
當時我覺得自己好唔著 唔應該呁做
不過我咁番水吧原來係佢哋ge救星
出嚟彩就食飯 豪哥就揹外賣喇
咁就剩底我同娘親兩個
試諗下 我唔出嚟 佢哋冇飯食 外賣又搞唔到
記得飲水思源 我生係水吧人就水吧嫁喇
廚房理鬼佢冧 理得佢死丫
加上原來今日得阿ling同芳姐收尾
番一番去可減輕芳姐負擔又可以俾時間佢預外賣
一舉兩得