今日係心急經理管理底下
我不得不學會"過咗海就係神仙"哩個道理
佢做嘢一尾急 又鐘意插手去人哋度喎
只少今日佢冇同我講有幾班d食物係特別預多嫁啦~
我咪好似慣常咁一sent四箱上車囉
係佢諗到分abcd箱係好方便到我哋送貨
但無奈同佢點都會好難夾得順

下晝攰到企都冇力 算係半昏迷啦
梅姐叫我跟車去元朗 攞貨 一去就兩個鐘
全程坐係車度咁制 可以恰下喇^^

終於都過咗近期最辛苦ge一日
走咗好幾轉外賣 體力完全透支
太攰喇 就算呃到人 都呃唔到自己
但我攰ge同時都有好幾人比我番得更早
收得比我更夜 甚至已經唔記得對上放假係幾時
而我對比佢哋又算得甚麼丫~
不過令你搶心我身體撐唔到 
我開心ge同時 卻好難過要你操心______


 

其實生唔生日都冇咩大分別啫
係我眼中生日就等於又老了一歲

好多謝琴日同我預祝ge lunclub
同我講過生日快樂ge每一位啦
係度我澄清番 我正日生日係廿一牙 唔係二十號><
哩排都要六,七點起身 因為番工又踢唔到波lu

我體會到星期日早市廚房ge情況了
都唔明佢哋點樣可以唔冧檔
好想係走咗ge廚房仔到偷師
尤其是阿廷 可惜丫~已經搵佢唔到lu

入到去 d嘢有7,8成都係靠自己學番嚟
熟識水吧運作係好幫到我上手

下個禮拜冇假放 好嘢~_~ 
係人面前我就哎冇假放
其實我好恨可以日番夜番由朝做到晚
咁先可以俾人睇得係我 同埋肯定自己ge價值



 

萍同娟走咗以嚟
哩個禮拜我哋都好似冇放過假咁 日日人人都番齊
冇假放 有得番早收早未嘗唔係一件好事
只不過減少D瞓覺時間換嚟早起身番工啫

今朝芳姐讓個CALLER位我企
有少少受寵若驚ge感覺出現
將飲品call埋入廚房 哈哈
好容易就過咗早市 係我成長咗
還是多謝我旁邊的每一位好同事呢!!!

11點幾我要一個人送外賣去元朗
我開頭以為聽錯添
平時都至少有個主任娟旁住 今次得我一個人=口=
輾轉間送到番嚟 變身入廚房
見識到星期六茶餐水吧好旺ge同時
廚房反而冇唔忙 冇咁大壓力 對客係原因之一

我想早就水吧 晏就廚房水吧兩邊走
下晝廚房 夜晚企自己個水檔 
唔知可唔可以咁編我呢 =.=

話咁快6點收工 準備些少嘢去街街


 

今日以後 我可以肯定廚房仔一走就走晒
阿漢又咁啱整親手丫 拍親收尾都一定會係阿霖喇
雖然佢冇阿廷咁醒 冇阿輝咁快
但佢可以執首尾 幫我善後丫嘛!!!

今日明明係番兩點
梅姐竟然同大佬講我番到12點囉
好彩係大佬眼中遲到成"兩個鐘"ge係我咋
俾著其他仲唔鬧到你仆街咩

我明公司而家出現咗d都幾緊要ge問題
就係請親都係師奶多 後生仔,女ge
要走ge都走啦 要留ge都留唔長
唉~講明下個禮拜冇假放
唉~講明有d日子要留到凌晨做外賣
唉~講明我之後早幫水吧 夜入廚房
唉~我豈不是要一個頂2,3個原本ge人
唉~我豈不是學識分身
咁計人工個度係咪應該計至少雙份...唉>3<