話說N個世紀無打開qooza打blog，宜家剛好有機會比我用qooza黎記錄下箍牙既過程

再一次話說細細個已經開始有少許哨牙，但一直都無理會，直到係台灣返黎之後，情況有點兒嚴重，所以想箍牙黎改善下。

但我覺得箍牙又痛又貴，所以唔係好有決心去箍

但我突然諗起巴倫紐個到有間做隱適美既牙科，所以同阿媽提議下可以去個間試下，所以阿媽就去左個間牙科到book時間check check

間診所有做promotion，所以查詢係唔洗錢既。

一入到診所，登記完之後就要填2份form。一份係關於個人資料既使用，一份係牙齒對自己有幾大程度影響既問卷。

當姑娘叫我入房之後，醫生就開始幫我D牙做scaning，將一支好似美容儀既物體放入口中掃描D牙。之後再用2部機幫我D牙做X光，覺得專業哈哈。一部係要咬住一個位去照，一個係合埋口去照。

照完之後就等睇醫生，醫生話做我隱適美唔需要整走4隻犬齒，只需要整走上面2隻大牙，但下面2隻大牙係打橫生，而且已經開始蛀，所以建議我剝左佢，但因為D牙好靠近神經線，所以要pass比專科。

咁樣都符合我阿媽既心意，唔需要剝犬齒，經過一連串討論之後都決定去箍，而價錢如下：

箍牙43000+上面2隻大牙3000+下面2隻大牙8000~9000😫

頭3次比4000，之後每次再比1000-4000

時間係1年半至2年，下個星期就要去專科影2隻大牙，睇下要點整走佢地QQ

希望真係可以2年KO佢

我娘親居然會覺得剝牙相對之下比箍牙貴，但其實就算唔箍，ED錢點都係要比，所以都預左架啦。

今日真係有好多細路去睇箍牙，只能說父母們真有錢哈哈！

希望每一次換箍個時都上黎記錄下，可以將成個過程記錄低，不過時間會有D耐，因為要等6-8個星期先知流程如何，之後再等拎箍，這是一場漫長的戰爭。