到左仁川機場之後 , 一出飛機第一個感覺好開心呀~~而且仲覺得有D

凍凍..之後我地就去左入境處排隊入境..排左好耐,有D唔耐煩

之後就去攞行季...再聽埋SIMON之後係邊度等...就去左大堂等,仲開左

GIFT攞羽絨出黎穿上身...我地仲去左當地的麥當當買早餐...嘩..

3600won...買一個早餐都要千千聲.... 好不習慣

之後等旅遊車到的時候...我冇穿著羽絨就行左出去...一出到去口鼻

的煙不停噴出黎..真係好得意呀

之後 ,車到左 , 坐左一個鍾多d到達了第一個景點7樂賭場 , 入到去仲要

年滿十九歲至可以入去...我就去左另一邊的大堂休息...等到咁上下..過

去搵佢地..之後就去第二個景點青瓦壹總統府,裡面有好多韓國的歷史

,之後入了一間小手飾的商店睇野...然後我地影左幾張相就上車啦..

第三個景點係去一個劇場...睇一齣韓國不同的文化..

入到大堂...傍邊有幾個大印章給我們玩樂...之後去完廁所..就入去劇院

啦..入到去唔夠一陣就sleep左啦....sleep左大約十五分鐘...一起身見到

幾個跆拳道手..剛剛冇咩點理再sleep...之後突然''吓''一聲...嚇到醒晒

但係之後好好笑,原來跆拳唔只打..仲有加左音樂變成一種有趣的舞蹈....

見到佢地咁跳...大家都大笑起來..

睇完之後 , 上車去食lunch...去一間好出名的店入食冬蟲夏草

人蔘雞湯+滋潤人蔘酒+長壽麵...我食入去口淡的味道..之後

加左一根鹽...至好味d..原來韓國人係用鐵筷子和鐵巾食飯,好得意

食完之後..我地就坐二至三個鍾至到下一個景點...

原來韓國的高速公路係好得意...如果去好遠的路程...會有個休息站

..到了第一個休息站...去左個廁所就返左上車sleep啦..

之後第二個休息站 , 爸爸買左d咖啡返黎問我飲唔飲...我理都冇理啦..

繼續sleep...我仲聽到爸爸話我係衰女包..一起身我就話返佢啦..

哈哈^^

一個鍾之後 , 到達我地下一個景點就係江陵驛火車站,到左個度..

要等火車黎的時候,我地就買左導遊介紹的飲品''雪梨汁''..

真係好好飲嫁...我地買完..之後d團友見我地買左,大家都走你雪櫃

買黎飲..我地黎完之後 ,雪櫃入面的''雪梨汁''已經冇晒...

之後火車黎啦...我地上左火車, 仲影左好搞笑的相同video...(得閒

去我家睇呀'')..開車啦...我地睇周圍的風景 , 韓國真係有好多

人蔘田和韓國米...d田係黑色的... 過左個隧道...見到一片無際的海景

...真係好漂亮呀..之後個導遊同Simon行過黎...講下依度係咩..

之後Simon仲話我同家姐你北韓間諜派黎的卧底....我同我家姐冇理佢

之後就到左正東津車站..去到導遊同我地講係邊度集合..咁我地就去影相啦..

原來韓國火車係一個鐘至有一班....所以唔好miss左火車...唔係真係等到死呀。

之後我地就跳左落火車鬼影相..好開心..我地影完之後出左火車站,媽媽仲買左小食

,不過一陣係食晚飯^^我地係旁邊食得好開心的時候..simon走過黎話一見到我地就係

食野..係咁笑...之後佢比我地圍供話佢..之後話到走左...呵呵

咁我地的晚餐係食水餃之類的野....食完之後...導遊話韓國的密瓜雪條係好好味..

之後我地同團友就一齊買黎食啦...我地上車前個個都手上有一支雪條,好搞笑

導遊望住我地好開心...

之後我地返我地今晚的酒店Sun Cruise Resort..返到去...見到好大的海景

真係幸福呀..之後大家沖完涼..就去左十樓的旋轉餐廳飲野..

嘩...一杯咖啡加一件蛋糕要9000won呀...真係貴呀..係個度傾左大約兩個

鍾,返左room玩啤牌同麻雀...玩完之後就sleep啦...

   今日你我第一日黎到韓國,見到韓國的風景真係好靚...真係會返到香港

好懷念依個海景...之後仲食到韓國的美食...都ok的...不過明天仲有

好多節目呀...請明天收看韓國之旅day 2啦...多謝收看