既５月至６月

係上演ＮＢＡ季後賽既時候

以前既５月至６月

要考試　唔可以好好咁睇

好唔容易先比我等到Ｆ７

一早考完試

以為可以補返以前失去既

點先　依然都係冇時間睇

本來都諗住追白色巨塔

到最後都係追唔成

以前睇電視劇

成日都會miss左個結局

真係好冇癮

所以曾經都定過決心追電視劇

仲諗住今次白色巨塔會打破呢個宿命tim

連開既電台節目"月光抒情"

都冇得追

真係好好聽ga．．．

開工係咁講英文

攪到成日轉唔到台

對住本地人都同佢講英文

我：Sir , can I help you?

佢：English?

我：English or Cantonese.

佢：我仲以為要講英文tim

呢件事證明一點

就係　我ｄ英文真係好好

聽完我講左一句　Sir , can I help you?　之後

佢當正英文係我first lanuage

不過

同ｄ日本人真係好難溝通

仲有好多客講英文講到唔知講知講咩

溝通唔到

做服務行業

點令員工服務態度好呢

主要係　係員工陪訓著手

對員工要求高ｄ

要佢做好ｄ

就係咁簡單

以身作則都好重

小事不馬虎

大事不會錯

其身不正

其令不行

係咁既情況下

做錯野就會比人罵

第一日返工就

都唔知錯左幾多次啦

中國人同西人最大既分別係禮貌

聽到西人最多既係thank you

而中國人就開口埋口都係x#%

*一般黎講wo

仲記得interview既時候

佢睇我張form

見我何傳耀讀過

就話認得呢間中學

仲話我讀得書

不過之後佢見到呂明才

問左我係咪象山果間之後

就開始轉話題

話我做兼職　好勤力啦

Ｄ標籤效應真係嚴重