ＮＤＳ係年青人心中既希望

有人找工賺錢　就係為左買佢

買完佢之後就日日玩

行街玩　等車玩　係屋企玩

如果我有一部ＮＤＳ

我就一定會係温書既時候玩

好彩我冇姐

小學既時候

我都曾經擁有過一部ｇａｍｅ　ｂｏｙ

央求左阿媽好耐　先有得買

不過買返黎　玩左一個月左右

阿媽見我成日玩　睇唔迥眼

就騙我話拎部ｇａｍｅ　ｂｏｙ去整

結果一整部十年

直到而家　仍然都係音訊全無

如果我有錢

我都唔會買ＮＤＳ

因為仲有好多野等住我去做

我唔想浪費哂ｄ時間係ＮＤＳ道

工作時　人地同我講

冇人叫你幫　就唔好幫

不過我既經驗話我知

咁係唔夠既

應該係

冇人叫你幫　就唔使幫

唔幫手　都唔好企係隔離

咁至岩

因為企係隔離　又唔幫手

都會比人罵

雖然我未試過

夜晚同啤酒姐姐傾左好耐

原來啤酒姐姐假假地都算係一個大學生黎

仲有幫緊人補習　做緊兩份工

試左間所謂既高級餐廳十幾日

覺得都係不外如是

我煮仲好食啦

收咁貴做咩呀

又一次經元朗，屯門返荃灣啦

唔好再玩我啦　好唔好先

呢ｄ經驗我唔要呀

馬老先生係勤力

不過脾氣就真係麻麻啦

我一入去做既時候

ｄ舊員工就特別提醒

如果佢冇叫你幫手就唔好幫

因為佢會發脾氣

今次請人係因為脾氣覺得ｄ員工冇做野

佢話”如果我一個人可以做到三個人既野”

　　　咁就請夠四個人返黎．．．”

前日馬老先生又發脾氣

事緣係有個客同佢講話

”你間野咁多員工，但係我只係覺得得你一個人做野”

於是佢就向馬老太太同佢馬老太太個仔訓話啦

澄請一句

咁多員工　但係得馬老先生一個人做野既時候

我未返工

如果我返繄工　說話就唔會係咁講

ＰＳ　馬老先生同馬老太太唔係夫妻黎既

一開工就好唔開心

一黎係天氣曬　燒到死

二黎係唔夠訓　好累

不過最重要既係

下晝睇場既老細成日都黑面

做錯野就話姐

都冇人做錯野　都要黑面

都唔知佢想點

唯有我有我做野

佢有佢黑面

唔望佢好過

夜晚就好好多啦

黑面神走左

雖然係忙左少少

但係都好過企係道唔知做乜好

夜晚又可以多ｄ同ｄ客傾計

講下笑

最理想既工作環境

就係係夜晚　得幾枱客

過一陣就叫我一次

比ｄ野我做　順便傾返兩句

不過呢個情況

只會係凌晨１２點後出現

我兩點就收工

只可以enjoy兩個鐘

但係又唔想做到４點咁夜wo

點算好呢

一路都唔明白

點解一間咁細既餐廳係最高峰既時候

有成13個waiter係左係道

仲要一路有新人入

請咁多人　為乜呢？

今日終於比我知道左點啦

事緣係一個麻煩友

馬老先生

馬老先生

一個好勤力既人

人地話佢一個人可以做三個人既野

成日無那那出現

自己找野做

攪到ｄ人覺得d伙計冇做野

曾經試過發脾氣

亂咁丟野　丟到ｄ野爛哂

所有人都忌佢好多分

至於點解要請人

下回再續啦