今日出左九日糧

二千七百大元

以前日日出糧

錢唔多　冇乜感到

今次就多好多啦

不過冇得分小費

有ｄ唔忿氣

時薪同月薪做既野係一樣

點解只係得月薪有得分小費ＧＡ

二千七百大元

準備比一千阿媽

比一千阿嫲

剩返七百　要用半個月

等下期出糧

所以要省Ｄ使

以後日日出旺角搭小巴

用多半個鐘

每日省十蚊

人地锢個考完試即刻燒ｎｏｔｅｓ

而我

今日終於拎哂ｄ　ｎｏｔｅｓ去棄

不過比阿爹同阿嫲見到

佢地叫我留低ｄ　ｎｏｔｅｓ　唔好棄

等如果考唔入大學既話　再讀過

我自己好清楚

考唔到　係一定會發生既事

不過佢地一路都好期望我可以考到大學

所以唔知點同佢地講好

就算考唔到　我都唔會想重讀

呢一個事實

佢地一定又接受唔到

最終

我都棄哂ｄ　ｎｏｔｅｓ

唉

老人家．．．

燒烤先黎落雨

雖然有叉用燒烤場有瓦遮頭

但係會滴雨

燒都燒得唔安樂

走既時候仲要淋雨

咁難得放假都要淋雨

攪錯

今日終於都搭左第一次西鐵

由元朗搭返荃灣

要成十一蚊

騙錢的

攪左成半個月既事

今日終於都攪掂左

我呢個經理人完成左使命啦

露天荼座　最怕落雨啦

一開工就有個客問我

”ｗｉｌｌ　ｉｔ　ｒａｉｎ？　”

我答佢

”ｉ　ｈｏｌｄ　ｉｔ　ｗｏｎ’ｔ　”

過左一陣

成個天黑哂

正想去開傘既時候

就落到勁大

傘都開唔切

於是全部伙計　不論男女

一下子衝哂出去開傘

場面十分之壯觀

伙計捨身救客

ｄ人同路人就好似睇ｓｈｏｗ咁

睇我地表演濕身戲

特別係ｄ女同事就若隱若現

個個都淋濕哂

有人講笑咁話

”你以為咁大犠牲，就有得渙杉啦咩？”

好彩到最後都有得換

不過對鞋就濕啦

冇得換

服務行業　果然係顧客至上

老人家　沒有太多想法

只求兒孫多福　多關心自己

偶然叫一叫　看一看自己

已是天大既歡喜

為何兒孫總是無情

或是比不上長輩多情

在世上

子欲養而親不在

既故事　仍不斷發生