11月1日，係MISS POON 既婚禮，我、YINYIN同笑笑約埋一齊去坐車。
點知響7仔前見到成班男子組，我當堂囧左…好在我響笑樓下等埋笑先一齊過去，如果唔係都唔知點算~~
老實講，我都冇諗過咁大班男仔會去嫁……
排緊隊等車個陣，見到成班男子組坐埋同一架車……
仲要一齊坐樓上……不過我地都係自己傾下計…畫下俾MISS POON張卡，
去到深水埗先2點幾，坐的士去到深信堂都係3點到，
仲有成個鐘頭，於是我地3個就坐埋一便睇下四圍既風景、傾下咁~~
到左3點40左右我地就上左教堂，估唔到間學校唔係太靚…但個教堂係咁靚嫁！！
我地坐低左之後…冇幾耐MISS YU同老公&大仔到左，
差唔多開始個陣，ET、何景泰同邵帥都到左，不過佢地坐左去另一便
典禮開始…一見到MISS POON……「嘩~~~~好靚啊~」
過程有點兒好笑，包括主婚人同牧師…XD
之後同MISS POON影完相，再影埋團體相就走嚕~~~~