聽日要交中史既論文la~
唔識做呀~
死la!
點算呀?!
夜晚就緊係要趕塙la!
做到好夜好夜呀.....
不過總算做得完.....
希望唔會太低分la!

今日cindy同我講左個好驚人o既消息呀!
佢話AYP o既金章係等於會考五科合格wo....
為左證實係咪真有其事,
所以我放學之後去左搵鴨仔,
但係問完佢之後,
鴨仔話根本冇D咁o既事......
唉....好失望呀.......

聽日嘉怡生日la~
但係因為聽日唔洗返學,
所以我地今日幫佢慶祝生日!
玲玲仲自己整左個蛋糕返黎tim呀!
好叻叻呀!
佢地成班o係我同嘉怡班房玩!
鴨仔仲坐過我個位tim呀!
之後我地係咁o係到影相相!
影完之後我落去搵鴨仔,
鴨仔執緊野走la,
佢約左fd o係旺角食tea…..
我就送鴨仔落地鐵站lu~
鴨仔仲叫我努力D讀書tim呀!
我一定要原校升到F.6!
咁我就可以多兩年時間日日見到鴨仔la!

今日我打過俾鴨仔呀!
但係打極佢都唔聽電話wo!
我打左幾次都冇再繼續打俾佢lu!
因為可能佢唔得閒呀ma~
唯有聽日先同佢講la!

今日係阿妹生日呀!
但係因為阿妹病左所以冇乜點慶祝!
都仲未諗未買咩好!
今個月份糧又用左黎買眼鏡wo!
唯有努力幫人補習la!
我今日拎返個爐la,
聽日就可以還返俾鴨仔la!

今日又到星期日la~
好悶咁o係屋企冇野做!
唉…..勁悶呀!
返學仲好玩過放假呀!
我寧願返學仲好呀!
不過我又想星期六快D到wo!
因為下星期六如果我出到街既話….
我可以去159幫佢手帶集會呀!
希望我果日出到街la!

今日又到星期六la~
琴日病得好勁,但係今朝起身又冇咩事lu wo!
旅長叫我今日返去幫手帶小童軍我又搵唔到Ringo wo,
所以我就返左42 la~
o係返42之前我仲返左1514一陣,
但係我返到去果陣佢地已經集完會lu~
今日唔知點解早左散wo!
之後我幫佢地手洗營....
跟住去買D野食之後就去左幫手帶小童軍集會lu~
佢地勁唔應該wo!
佢地叫我返去幫手要着制服,
但係我都好耐冇着過制服la~
我冇擦鞋一D都唔出奇呀~
之後因為我整親隻腳要着厚袜所以冇着到黑袜,
仲有我冇帶會員証.....
每樣30下掌上壓,一共90下呀~
又係針對我既paul sir既好事la~
算....我忍佢.....
唔好俾我捉到佢做錯野!
集完會之後我打過俾Ringo,
佢終於聽電話la~
仲同我傾左好耐tim.....
之前仲驚佢覺得我煩唔聽我電話,
好睬唔係ji~
原來只係我打俾佢果陣佢一係訓緊覺,一係上緊堂ji!
下次如果我打俾你,你冇聽電話ge,不如你打返俾我呀!

今日陸運會決賽la~
朝早去左救護站坐,陪鴨仔呀ma!
之後就同鴨仔佢地成班fd一齊食lunch!
食完飯之後我就要開始準備下午既頒獎典禮.....
好忙好忙呀!
之後要頒獎tim呀!
第一次頒獎勁驚wo!
好彩都順利進行!
放學之後我就返學校搵鴨仔拎個gas爐!
之後去食D野先返屋企.....
返到屋企好眼訓就訓覺la~
好累呀!可能今日凍親掛....
我一訓就訓到聽日既10am la!

今日玲玲整左個蛋糕返黎慶祝生日!
佢又叫左我同鴨仔,歡歡,carrie同阿翁一齊食....
個蛋糕好好味呀!
到左夜晚我打過俾鴨仔,
因為我個fd要去camp但係冇爐.....
所以就問鴨仔借la!
聽日就陸運會la,
一定好忙ga la!
今日159個張sir打過俾我同我傾我既問題,
我覺得佢唔係咁想我過左去就走....
我打過俾Ringo但係佢又冇聽電話la!
仲諗住同佢講張sir打過俾我tim....

今日約左鴨仔一齊食lunch~
仲約左鴨仔放左學之後食Tea tim!
因為我屋企最近都好遲先食飯呀!
放左學之後我要執陸運會D獎呀!
好慘呀~
個獎盃跌左落我隻腳到....
隻腳踵左呀!
之後搵極都搵唔到鴨仔wo.....
唯有出學校打俾佢la~
原來佢出左去等我wo!
我就去威利搵佢la~
但係原來佢個fd都o係到呀!
佢個fd我都識ge,
係我o係大會操拎chief's另外個隊既comander!
我認得佢唔出奇呀!
但係佢竟然都認得我wo!
唔知點解佢好多fd都識我,
但係就只係知道我係鴨仔個chief's!
算la~做鴨仔個chief's都幾好呀!

今日放左學之後鴨仔陪我一齊去配眼鏡....
因為我之前個眼鏡爛左!
鴨仔仲幫我揀tim呀!
本身我諗住o係荃灣搭地鐵返大窩口ge~
但係又唔想咁早返屋企wo....
所以就陪佢搭到去旺角la~
同鴨仔傾左好多好多野呀!
o係搭車返屋企果陣我打過左佢,
但係佢牙痛所以講左一陣就收線lu!
夜晚我打俾佢諗住問佢仲有冇事,
但係佢冇聽電話呀!