因為琴日冇去見家長,
所以今日lunch要見班主任!
唔知點解佢地勁多野講wo!
講左15分鐘仲係講緊我既成績wo!
但係講講下竟然講到我掛住返童軍wo!
我班主任以前都係一個童軍黎ge~
所以都有幫我講好說話,
但係唔知點解講講下班主任竟然叫埋鴨仔入黎一齊講wo!
佢地講講下我已經好想喊ga la,
但係都忍得住,
但係見完之後鴨仔叫左我出去.....
佢同我講講下我已經忍唔住la~
結果去左佢個位到喊!
之後勁多老師睇下我咩事.....
我上年既班主任睇完我張成績表都話唔係好差....
唉....但係我阿爸唔係咁睇呀ma~
放學之後我去搵鴨仔拎返部電話,
佢話我班主任同佢講~
我有個咁既阿爸唯一可以做既就係我既EQ要高D......

今日本身係家長日ga,
但係唔得閒所以冇返到去!
之後我打左俾鴨仔,
佢出緊總會飲茶wo,
之後我就同佢耐左勁耐la!
傾左我去TW9定159好.....
我同佢傾到佢去到總會就收線lu!

琴日陸運會果陣鴨仔同我講盧sir今日唔得閒返集會.....
我就問佢洗唔洗我返去幫手,
佢話好,所以我今日就返左去lu!
之後就幫佢走黎走去~
首先要落荃灣買gas同水袋....
落到city間野竟然未開wo!
咪即刻打俾鴨仔問佢點算囉....
佢都唔知點好!
我知佢係趕住今日入camp用ge~
所以我就幫佢去左愉景新城睇下有冇開la~!
好彩都有開......
之後就即刻返學校拎俾佢地la~
點知有個隊員去唔到今日camper班個camp wo!
又有D野要佢帶去wo.....
但係佢阿爸又唔俾佢出門口wo!
所以唯有我上佢屋企拎la!
之後又要趕返學校.....
因為佢地要入大渾la!
之後有個阿sir黎車鴨仔同另外一個阿sir走.....
我就送佢地去搭車la!
鴨仔仲介紹佢D fd我識tim呀.....
今日真係好忙呀!
之後我就返42交獎券.....
史sir仲叫我幫手收tim呀!
但係收收下paul sir返黎....
一見到佢就已經覺得佢好唔應該la~
因為佢染左淺啡色返黎....
集會都搞到個頭咁.....
教壞晒班細ge.....
之後佢o係到搵PT03,
搵極都搵唔到wo...
我好心咪答佢我o係姚連生有十幾張,
如果佢要我可以話佢知o係邊跟住佢可以返去拎,
點知佢竟然叫我返學校拎wo!
我今朝幫鴨仔走上走落已經勁累ga la,
所以我就同佢講我好累,叫佢自己落去la~
點知佢竟然話1514叫我行咁多次就得,
42要我做少少野就唔得wo!
係咁o係到話我wo....
勁嬲呀!
之後我咪o係旅部搵俾佢囉~
點知佢話佢已經搵過晒la,一定冇....
但係竟然俾我搵到6張wo!
雖然係唔夠數但係已經令到佢冇聲出la~

今日終於都到陸運會la!
不過今年既陸運會我就好忙呀!
又要做頒獎組又要做救護員,Prefect仲要當值tim!
今日我地約左鴨仔一齊食早餐同lunch呀!
放學果陣好凍呀,
鴨仔仲借左佢13 Sea Scout果件風褸俾我tim呀!
今日鴨仔同miss leung一齊走,所以我就冇跟住la!
上年鴨仔同我一齊走ga!
好累呀......
返到屋企之後我就即刻訓覺la~
因為淋左雨,病病地!
夜晚我打過電話俾佢呀!
好開心呀!
我同佢傾左我過唔過159既事!
佢話幫我同團長講wo!
好野~唔洗我自己講!
之後我地仲傾左成個鐘tim呀!

今日鴨仔冇返呀,可能佢病左......
放左學之後我打俾佢,問佢聽日會唔會返,
佢話佢會返.....
我就問佢聽日陸運會D野點算!
但係佢好似病到死下死下咁!
但係聽日D野好似仲有D未搞掂!
所以我返到屋企之後我就幫佢整工作人員牌la!
希望佢收貨la!
唉....佢又會o係呢個時候病既.....
如果我搞唔掂D野就成la~
我發覺佢真係好信得過我.....
學校陸運會既野都係俾我搞掂!

今日放左學之後我同歡歡搵極都搵唔到鴨仔!
之後聽人講佢o係C房間房仔入面…..
我諗佢多數都係做緊野,
所以諗住聽日先搵佢la!

今日唔知點解一起身就肚痛la!
行到返學校之後成個人都冇晒力……
咁o岩又見到鴨仔wo!
咪叫佢送我搭升降機上課室囉~
因為我課室o係五樓ga!
如果行上去我會死得ga!
小息果陣落左去問鴨仔有冇朱古力……
因為我血糖低,一病就一定要係D好甜既野!
鴨仔見我真係好唔舒服就帶左我落醫療室la!
我o係醫療室訓左四堂呀!
如果唔係lunch我諗我會繼續訓ga!
lunch我都食唔落野……
lunch之後我仲要默書呀!
真係慘!
放左學之後仲要幫人補習wo!
補完之後就即刻返屋企訓la~
唔想再去睇醫生呀!
到左夜晚我終於好左D la!

行左好耐之後都有D累la!
所以就返左屋企la!
之後打俾Cindy問佢D野!
之後我就記得琴日Ringo叫過我打俾佢,
所以就叫Cindy 3line過去俾Ringo la!
佢問我覺得集會點wo!
其實講真呀!
好玩既就真係159好玩D既…….
但係又有好多人期望我考到SARS!
而且十個有九個都同我講o係第9會易考D……
我問過佢地點解ga~
佢地就話如果一個旅團出開SARS既話,會易D幫你去考SARS wo!
我都唔知點好la~
但係如果我唔過159既話會唔會令到Ringo難交代呀?!
我又想可以成日見到佢wo!
但係我阿爸又唔俾我返既…..
我都唔知應該點好la~
好難決定呀!
其實我就算想過159我阿爸都唔會俾我過去!
因為我名爸話o係我會考之前係唔俾我返童軍…..
連參加童軍活動都唔得!
我都唔知點解佢咁唔鍾意我返童軍既!
唉….好煩呀!
點算呀!

今日因為我自己唔想留o係屋企,
所以我今日有好多節目!
但係全部都係關於童軍既!
首先,我要返學校幫手帶1514集會!
雖然我未夠16歲唔可以做教練員住...
但係1514同42已經叫左我16歲之後返去做教練員lu~
1514仲已經開始俾教練員到做既野我做tim!
但係今日返到去佢地只係大食會!
食開年返wo,
勁搞笑wo!
o係佢地未食野之前就玩集體遊戲!
鴨仔見我未食早餐就o係佢地食玩集體遊戲果時同我一齊出去食早餐la!

今曰1514攪新春團拜wo…..
勁攪笑呀!
其實咪又係開大食會….
只係個名唔同D之ma!
佢地都唔知我今日會返去….
負責果隊個隊長仲同我講冇買我食杯,
問我介唔介意tim!
我心諗唔通答你介意咩?!
緊係答你唔介意ga la!
講真呀~
杯之ma,冇咪兩個人飲一杯囉~
之前又唔係未試過!
去親camp都係咁ga la!
有咩根介意wo!
做得童軍既通常都唔會介意ga la~
如果唔係唔洗食都似呀!
之後食左少少野就走左lu~
因為我之後要返左42搵史sir!
我都好耐冇返過42lu~
可能係因為同D人唔夾所以搞到一D都唔想返掛….
我都唔知呀!
今次如果唔係要返去搵史sir我諗我都唔會返去呀!
因為史sir對我都冇乜野~
而且對我都算唔錯呀!
唔似得有D領袖,成日玩針對!
都唔明點解42D領袖可以咁囉~|
原來史sir知我屋企有事~
我諗佢都係聽cindy講ga la~
佢知我媽媽入左醫院,
所以諗住睇下我最近點掛…….
傾左一陣我就要走la~
因為我約左Ringo一齊食lunch~
之後去睇佢地(159)集會!
我約左佢1:30p.m o係觀塘地鐵站既恆生銀行等!
到左大約1:20p.m佢就打俾我….
問我去到邊,我果時都只係去到旺角咋….
心諗死la,遲到tim!
點乜知原來佢o岩o岩起身,
打黎同我講佢遲D黎….
叫我自己食野先!
開頭覺得都幾唔開心ga~
因為本身可以同佢一齊食野ga ma~
唉…..算la!
到左2:30p.m左右佢再打黎同我講佢都係黎唔切……
佢話佢叫左個rover o係地鐵站既恆生等我!
唉…..唯有去搵個rover la!
之後個rover就帶左我去佢地集會既地方la!
佢地話Ringo唔會咁快返,
佢地要幫手紮旗架…..
我見佢地兩個人紮得咁辛苦又咁慘wo,咪幫佢地手囉!
我自己都好耐冇返集會,好耐冇紮過旗架lu~
咪當玩下囉!
之後我就去左見我個未來團長lu~
佢個人都幾nice呀!
好快就集完會lu~
我今日終於見到Ringo la!
但係佢同個cub仔玩緊…..
所以傾左兩句之後我就走左lu~
佢仲未幫我拎返本log同planning呀!
唔知點解我好掛住我log同planning!
可能係因為我一向都好快就可以拎返掛……
o係走果陣Ringo叫我今晚打俾佢,
但係我今日好累呀!
都係聽日先la!

今日o係屋企成日都俾阿爸鬧.....
總之就係咁鬧la~
我聽日都唔想留o係屋企la~
我夜晚打過俾鴨仔,
我問佢聽日我可唔可以返1514NTG幫手!
因為平時佢如果唔係要我幫手佢係唔會俾我返ga~
可能係因為42同1514既關係一向都唔係好好,
佢唔想我返到42俾人話掛....
我都唔知呀!
但係我聽日真係唔想留o係屋企呀!
又唔想周圍去wo!
鴨仔最後都係俾我返!
我聽日仲應承左佢去睇159集會tim!
我阿爸當然係唔知la~
知道仲唔殺左我都似咩......

今日本來好地地ga~
仲諗緊聽日同鴨仔去邊到玩tim.....
點知夜晚阿媽突然唔舒服~要睇急症wo!
我阿爸就同阿媽去急症室,我就留o係屋企睇住阿妹la~
阿妹話阿爸唔o係屋企訓唔着.....
我就陪阿妹玩,直到阿爸返黎!
阿媽就要留院觀察....
到阿爸返黎已經成7點la~
到阿爸返黎我先有得訓呀!
好慘......

好耐都冇寫過dairy la~
今日終於寫返dairy la!

今日情人節呀!
因為隻眼有事所以好耐都冇上過網lu~
今日上黎dairy一睇,見到佢留左兩個言俾我!
好開心呀!
我覆完佢都寫唔到dairy....
因為覆完佢既留言我隻眼已經好痛la!
唯有聽日先寫la~