今日一早就去左亞妹學校~~睇佢地既結業禮~~諗下諗下~~原來我個妹係D間學校都讀左五年喇~~但都仲係中四~~每一年~~我都會諗~~幾時到我個妹係台上面唱離別心曲呢~~但都仲未等到~~睇見佢地D學生唱到喊晒咁~~搞到我都感動埋~~

  我個妹~~果然係會比驚喜我GA下~~佢終於都走左去搵工喇~~雖然未知見唔見得成~~但我都好開心呀~~佢會知我辛苦~~之後去搵工做~~好野~~亞妹~~你要比心機呀~~真係要長大GA喇~~家姐唔睇得你幾耐GA喇~~

近期都唔知搞咩~~日日放工番到屋企都累到咩都唔想理~~之後去訓覺~~日日都搞到好似做姑厘咁~~點解會咁GA~~係咪有病呀~~

嘩~~原來唔經唔覺~~我都咁耐冇打過日記GA拿??近期~~個人都唔知搞咩~~成日發埋晒D分手夢~~究竟~~係咪提醒緊我呢??但成日都發~~都幾係野呀~~個腦好似冇休息過咁~~唉~~

亞妹又就快開始暑假喇~~佢今年又會唔會冇所事事呀~~可唔可以做番D有意義小小既野呀~~

唉~~突然打番日記~~都唔知打咩好添~~

 唔~~日子~~一日一日咁過去~~人地話~~時間可以沖淡一切~~但我覺得唔係law~~時間只係會把所有既野緊緊咁記係個心裡面~~每過多一日~~你就會發現果件事又離遠多你一日~~心中既掛念~~而加重左喇~~唔~~距離我最後最後見亞媽咁就一個月喇~~點解~~我冇再夢到佢既呢??不過~~點都好啦~~我唔會忘記佢ga~~佢既所有~~就係我同亞妹~~我一定會好好咁保守住亞媽既所有~~

曾經有人話過我好慘~~但其實我唔係ga  law~~我覺得我好幸運~~好多時~~都會出路遇貴人~~身邊都會有好多好錫我既人~~唔知係咩原因呢??可能係我好命~~好似~~有好多野~~都有人暗中為我安排~~雖然~~我唔知果個係咩人~~但我知道~~佢一定係好錫我ga~~

離緊我就要開始我既美容課程喇~~好擔心讀唔離~~不過~~我記得有人話過~~只要我肯去做~~一定成功~~更何況~~連亞媽都喜歡我做既~~雖然~~我仲未做到~~但我一定唔會令佢失望~~佢會知道佢有一個好叻既女兒~~

媽~~我就離生日喇~~你會唔會同我慶祝呀??我等你呀~~我早D訓呀下~~見你耐D~~好冇??

媽~~龍舟又離喇~~好緊張呀~~我仲未學識游水呀~~點算好呀??

唉~~亞媽已經走左成個幾月喇~~原本~~仲諗住會好快冇野啦~~點知~~掛佢既心情~~比起佢未走果時仲強左~~而家~~每個星期都唔洗探佢~~反而有一種失落感~~~唉~~亞媽個樣~~成日都出現係我個腦海裡~~尤其係我見到人地一家親既時候~~其實~~一家親~~我早就冇左~~但最起碼~~我仲有機會見到佢地丫~~以前~~我成日都逃避~~成日都同自己講~~小D去睇亞媽~~到時佢走左~~我都會好快就習慣唔洗去探佢~~但原來唔會GA~~我好掛住佢呀~~一得閒~~又諗番起每次去探佢既野~~好似眼淺左~~

不過~~事實就係事實~~我會欣然接受~~我好清楚知道自己既路要點行~~我唔會令亞媽失望~~我知佢好想我做我而家做緊既野~~我會努力GA~~已經一步一步咁行緊入去喇~~七月要考個國際試~~好驚唔合格~~唔合格就晒晒D錢喇~~亞媽~~你睇住我啦~~我會掂GA~~

嘩~~好耐冇打過日記喇~~近排~~發生左好多野呀~~番學~~識左好多好好既同學~~佢地個個都好好~~唔經唔覺~~咁就上完一個學期喇~~唉~~D英文都係咁差~~不過~~會盡力既~~多謝你地呀~~同學仔~~係D幾個月~~搞左好多活動呀~~又有BBQ~~十下十下~~萬聖節扮鬼~~打羽毛球~~好正呀~~我唔理呀~~我地完晒所有學期之後都要好似而家咁GA~~