終於睇左《寵愛情人夢》啦 :DD

講真, 睇個譯名.......真係無乜興趣睇...

去睇都係因為松本潤咋 ////.////

Poster 拍得好唯美, 同成套劇既風格一致,

上野樹里同松本潤都係靚仔靚女, 當然拍得更好啦 :))

套戲一開始, 係講松本同佢細佬既生活係點 

(好啦, 我承認我忘記了松本的名字 .___. )

可能係Fans既關係啦, 對松本有少少既了解,

劇既生活唔係好似「松本」, 反而似 Aiba 多D :PP

不過松本見到上野個一刻真係好好笑

成個呆左望住佢 (真係 O 咀樣嫁!!!!) 

兩個人原來係以前識既, 所以都有唔少以前既片段, 

扮佢地兩個中學時期, 同埋再細個D, 細路仔時期既演員 同佢地真係幾似,

尤其上野, 一頭亂髮真係有曬佢既神緒 :DD

松本個果都係好似, 連續性唔錯 >V<

上野係劇入面既性格係好活潑, 而且有D鬼馬,

但唔知點解個陣我諗緊: 嗯...一定要係靚女先可以咁做,

又或者...這根本不可能發生嘛 XP

仲有上野係劇入面既衣著好好睇!!!

唔講既話我覺得佢係fashion designer, 

每套3既顏色, 風格, 設計都好好睇, 斯文又得, 跳跳扎又得, 得左 B│

係GOOGLE搵唔到圖呀, 未睇戲既睇果陣可以留意下 :PP

除左衣著, 屋企既佈置我都好仲意,

係個種好Warm, 又有D有趣既擺設, 重點係, 係木既家具 (至愛 <3)

講起間屋, 諗起一幕好sweet & warm既畫面, 就係上野同松本一齊訓係地下, 

一個睇書, 一個玩佢隻手, 當陽光照入黎個刻, (很多心心眼), 成個畫面好和諧同好warm, 

完完全全呈現左 一個家: 溫暖, 平靜, 甜蜜既感覺 (心心眼again)

成套戲比人既感覺就係E種舒服既感覺 :))

除左背景、佈置, 我覺得套戲既內容舖排得唔錯, 

去到最後真相揭曉個陣, 會勾返起以前既片段, 個陣時就會: 哦!~

其實套戲由頭到尾都無明確講個真相出黎, 都係由唔同既情節, 或者證據去引導觀眾,

係E個位做得唔錯, 同埋, 真係有首尾呼應嫁 LOL (這說明這個寫作技巧很重要, emoji噴氣)

睇曬成套戲, 先發現, 原來個譯名係有意思的 (神秘)

最初仲諗: 香港既譯名做咩作到咁差嫁>< (請原諒那個亂評論譯名的小孩 ///.///)

而家知道後就鬆一口氣 :pp

成套戲唔錯, 好仲意整體既風格, 有靚仔靚女睇,又有靚景, good!

不過呢, 個人覺得套戲仍然有少少野田妹既影子, 

可能係野田妹e個角色太深入民心啦, 同埋兩個角色既性格都有d重疊既地方,

所以有少少似 :pp 但總括黎講演技唔錯 :DD

劇情.....um, 唔可以話好新鮮, 但真係估佢唔到既 (一開始)

值得一睇, 有fd入戲院睇左兩次 >v<

最後送上洗腦歌, 因為係套戲入面成日播 :0