最近放假係屋企非~常~得閒
除係聖誕節等等日子出街, 「趴地」之外,
大部分時間都係窩係屋企睇劇!
名符其實既宅女.3.

之前無意中發現LEGAL HIGH出左第2輯,
睇左第1輯既我梗係睇埋第2輯啦
今次多左個「情敵」
(記名好差加上唔想搵返個名就咁算啦好嗎:P)
套劇同之前一樣, 男主角仍然係由死都拗返生,
女主角頭幾集當然係晨間劇集女主角啦~
不過到後面女主角發現自己已經同男主角有一樣既做法...
個果位都幾深刻,
不過真係幾佩服男主角既思維,
真係咩都諗得出, 不過當然係有勁多踏界位啦
但佢提出既方法往往都睇唔到即時效果,
要之後先知原來佢咁做係有原因
套劇除左男女主角搞笑外,
入面既個案都幾真, 真係連到而家既生活,
有時睇睇下都覺得幾真實
有時男主角講既金句, 又真係幾岩聽
講到男主角!!!!! 最後個結局真係好正!!!
完全估佢唔到!!!!!!!!!!
有興趣就去睇啦! 好正XP

另一套睇既劇係動畫 Romeo and Juliet!
之前係電視見到佢個預告已經好想睇,
同原本既版本當然唔一樣啦
加左好多fiction入去,
其實都幾典型, 主角當然個個又靚又型又醒又打得啦~
奸角個樣一睇就知係奸.___.
路人真係路人樣 LOL
講畫質我自己就覺得麻麻, 唔係迪迪尼靚靚公主個種,
又唔太似經典日本動漫可愛路線
我覺得可以用「清新」黎形容,
唔會太著重係畫質既細節上, 係簡簡單單既線條、風格
(有時會覺得人既身材比例好似有D奇怪.3.)
不過我都係因為劇情先想睇! 所以講返劇情先!
套劇有埋作者 沙士比亞 係入面,
又有沙翁其他作品既人物係度, 都幾創新
雖然我無睇過原著, 但都知少少,
故事主線當然唔會仍偏離原著太多啦,
但我肯定個結局唔一樣!!!!!
其實去到最後個幾集都唔係好明棵樹有咩作用.___.
去到最最最後先知個 白色女人 係奸的!!!
成套劇既動作戲我覺得還可以~~
最仲意隻龍馬!!! >V<!
個結局話HAPPY ENDING又得,
SAD ENDING又得, 睇你點睇啦XP
我自己就覺得係HAPPY既!:DD
得閒都睇下啦, 24集, 每集大約20分鐘,
好快睇完 :))