今日心情好返好多啦~~都係返學好D,以前小學時,

常日都係唔鍾意返學,而家反而想留係學校耐D.

因為我選擇左逃避,在學校裹,時間過得好快.

沒有多餘的時間讓我想起那個人~~

今日英國文學好多功課 ar~~~!

明天又要背默中文,最驚都係電腦,又要quiz,點解我唔係 odd number ,咁我咪唔使做埋咁多野.幸好上次剛剛合格60%,咁我就唔使 re-quiz.

今日心情好多啦~都係返學好~同學好搞笑!~

我班同學好好搞笑,笑左常日,咩唔開心都唔見晒LU

Dicky 今日穿外套,之前仲聽佢講話男仔穿外套好樣衰架~

但佢又穿??不過佢穿唔穿都咁樣衰~~~!!!!

希望快d調位啦,佢坐我後面真係好煩.....日日都要比佢話[高音怪]

今日佢聽左steven 的聱音,馬上話 [師傅...師傅....佢係唔係你師傅來架??]  (-_-)

真係好無奈.....

不過我發覺佢都幾大方,當佢講我[蚩尢] ,我都會教訓佢,佢都唔嬲的.反而仲愈笑愈大聱.

我就話佢[夏桀 ],佢就話自己係....[黃帝]~~!

紂王就有你份!

steven好似'基"咁架??好鬼怕佢的女仔聲......

今日係假期呀~~~雖然6點都已經醒左,但都訓到8點幾先起身.之後就溫習lu.

打左幾個電話比佢,但都係 dududu,因為佢家的電話使用中.....

於是係icq上見到佢有on,想同佢傾計啦,點知佢即該off左,問佢係唔係度,佢答話唔係度!!

唉!人地講到咁明,我仲係好傻咁走去煩佢,真係好白痴.

之後就打左電話同周志明傾計,始終都係以前6a班男仔熟,咩都可以講,講到佢係銘賢跑圈時,更有趣.....

一早叫你填安柱第一志願,咁就唔使話間學校細啦~~

Ann的朋友仲搞笑.....><

haha,同志明話佢果班有個女仔的性格有我的影子....(唔方好野,話我惡)

我就同佢講,我係好斯文同溫柔架女仔來架,你未知姐~~

原來佢都係31號就考試~

李慧欣又打電話來煩下我....咁都好ge,咁我可以唔使想起佢都好.

下午主要時間都係用來溫習,到3點 幾已經要睇電視,relax 下啦!!

到阿媽放工返左來,佢大清屋,搞到我丟左好多衫.我順便都準備好冬季的衣服放入櫃中了,

原來有好多衫都未穿過的,仲係好靚.....點解舊年我會買左咁多靚衫又唔穿的???

不過.......今年一定會穿呀~~

轉下形象都唔錯ge,唔好常日比李慧欣話我  嚴肅.....

我都係只不過對每一件事都認真姐..

自問本身的為人都唔錯!!佢咁對我,實在令我傷心.

不過自己唔係一早都預左架咩?點解而家又咁傷心喎....

我都無應承過佢d咩,做咩會有被人拋棄的感覺~~

算啦,朋友姐.....一定會有ge...

而家反而有種輕鬆的感覺添,感謝主!給我力量去面對.

考完試再想吧!不要分心哦,一定要頭50名架~~

下下個星期就 test 啦!幸好之前幾不停趕功課,所以今日先至有時間來溫習~

溫習邊科先?當然係上課最唔留心果科----I.S ,背左好多生字哦~~

佢對我的態度真係冷淡,或者佢真係對我無感覺 lo,

而且仲有種被拋棄的感覺.第一次向男仔說過"喜歡你".

但落得如此的結果,是我變了,定係佢變左?

haha,感情真係經唔起考驗,都未到2個月就....

或者係我的幼稚,一開始相信佢的話,就令自己對佢產生左好感,然而到忘不了他~

但糟糕架係我對佢仲有感覺,

每天想起他,好像也成為左我的習慣~我有時真係感到好無奈~

算啦吧,就讓他留在我的記憶中,想起他也會成為我上進的動力.

起碼唔會令我鍾意安柱的男仔先啦,right?

忘了,忘不了,該如何是好?