今日係安柱中一迎新營既最後一日哇,,,

之頭早,我約笨蕉去樓下搭小巴 ，死人笨蕉…咁遲先落黎，搞到架車差ｄ就開走左……大老呀，一架車要等好耐-3-"遲到既話咁點算……嘿嘿！我地上到４１０小巴，要比７.２蚊，我比左３蚊，因為係分段收費，所以去安柱要比３蚊咋。笨蕉呢個死蠢，用八達通「ｄｏ」左７.２！跟住個司機就係到話：「下次去安柱要出聲呀嘛！我唔會比番錢你架。」我同笨蕉都無奈……

去到安柱，聽嘉敏琴日講話今日放分班的資料，點知，真係有板係到。可惜……唔係有關分班－－”。大失所望啦∼跟住就叫笨蕉打電話比嘉敏，丘就走黎，明知故問：「嘉敏呢？唔跟你地定係未番？」火都黎埋啦！有咩可能唔跟我地呀，睬過佢個烏鴉口。

上左禮堂，搵左組長，佢比左件++s的營衣比我，黃黃的，又幾岩身丫∼穿左佢，岩岩好遮到我條好樣衰的褲子。之後我地就玩左ｄ熱身ｇａｍｅ，然後就聽歌，跟住跟組長去左ｃ１４室玩左個遊戲，我贏左本書，好似幾好睇咁∼之後組長偉比左人地寫比佢既卡比我地睇，好多張呀－口－。時間差唔多，我地番禮堂，聽牧師講野，有好有唔好啦……好既就係聽到ｄ唔錯的故仔，唔好既就係冇得玩－．－。

臨走果時，有野食，其實我地有ｄ唔捨得，係度諗緊入唔入約瑟團好……幾好玩架∼不過都有好多野做紀念，導師組長都好好人＠＠麗明姐同醒偉哥．．．

返到家，食左個好好味既美心快餐，人地又黎左我家玩∼都幾開心∼不過好悶－－”ｄ人好快走晒，我就玩左陣ｍｓｎ，醒偉哥ｏｎ左呀＠＠唔知點解呢∼有ｄ開心ｌｏ…可惜麗明姐冇ｍｓｎ啦∼同佢傾左一陣，我去左沖涼，佢比左佢個日記我睇，佢寫左好多野係佢個日記到，日日都有寫，好有心機呀！跟住我開左風扇，繼續玩，玩玩下，聽到「咯咯」聲，我怕係部機開得太耐而出聲，所以熄左，點知熄左先知原來只係風扇開得太大而有聲。不過是但啦∼玩得多唔係好好。

晚上好好玩，成家人睇電視，冇聲出，不過都好有溫馨ｆｅｅｌ。有電話，傾左陣啦∼佢又唔傾得……慘！唉呀！

然後我就係度打日記ｌａ∼好眼訓呀z_z"

ｐｓ．我睇番組長個日記，先知佢為左呢３日做左好多野，差ｄ就冇時間訓。多謝你呀∼