今日係第一日參加安柱個中一迎新營，一共三日，本來我諗住今日學水彩，點知撞左時間…我成個人都灰晒∼冇計啦！呢日要我自己一個搭車上學，經過琴日的經驗，總算冇搭錯車啦！番到安柱，我見到嘉敏∼我即刻走過去，麻煩丘又走黎，好憎佢呀……笨蕉仲未到，不過佢打左比嘉敏……問我地係邊度，原來佢一早就企左係門口喇！

上到禮堂門口，我見到有簽到紙，嘉敏話依個姓的第一個英文字黎分組，我起初灰晒，笨蕉、嘉敏同麻煩丘都係ｃ字頭，得我係h字頭，得我自己一個一組。跟住冇計啦，我想行入禮堂時，有個哥哥問我咩組，我話ｈ組，佢一頭霧水，叫我睇楚岩岩張簽到紙，我係張簽到紙上搵到我個名，格離寫住第２０組．．．嘉敏呀！你又搞到我好「魚」呀！個哥哥帶我去第２０組的基地，我見到嘉敏……佢係到傻笑，我又回佢一個奸笑。我見到有２個第２０組的人係穿住營衣，一睇就知係組長啦！組長好大個喇∼唔係中一黎既好似話有個大學都畢業，叫醒偉∼一個係教緊書，係麗明姐。

我地做左熱身，就聽人唱歌，嘉敏比人點左上台唱，我勁同情－３－”。唱完之後就聽Tony哥哥唱，唔錯丫！跟住我地就玩好好玩的ｇａｍｅ：係學校走黎走去，同組員做完一個任務就去下一站做第２個任務。我地第一站上左天台，睇睇個任務。要玩拍７，組員輪流數１－１００，數到７的倍數就拍手，唔好出聲，拍錯就重新數過。我拍錯３次．．．ｓｏｒ=.=。

下一站去玩穿報紙同整坦克，好好玩呀。然後去玩滑雞蛋，唔準用手碰雞蛋，用紙捲個類似滑梯咁，由５樓將蛋滑到３樓，不過得８張紙，所以雞蛋滑過一張，果個組員就要立即把紙各下駁。如果雞蛋掉下地，我地就要默哀同善後＞＜小心呀。好彩，最後都成功左，我地個個都流左好多汗，本來想再去下一站，點知夠鐘……嗚嗚……

今次活動，令我對呢個營有好大的改觀，由沉悶→好玩。