好懶呀呢排~極之唔想打日記~雖然放左假,不過諗起補課,就成個人攰曬~  -w-   好辛苦牙~

北京就去左啦~但係冇乜特別感覺... 因為去到北京有好多事做,冇時間去行街所以買左好少野,仲用左好少錢,返到黎仲比爺爺麻麻話我唔識用錢,我解釋左好多次,佢地都唔聽...講到我好似除左讀書咩都唔識,連洗錢都要人教咁....=.=冤枉...依家搞到我對北京一d興趣都冇,超超超超冇野好講lo...

講真牙...今次去左5日,其實一D都冇曬到,每一日既行程都滿曬,頭幾日都幾happy架...不過....

點知晚晚都要寫日記,第二仲要交比老師,搭完車返回酒店開完會都10點幾,寫完日記玩下癲下就咁過左2個幾鐘,有時興奮得滯又會訓唔著,第二朝6點morning call,成個熊貓咁去吃早餐跟住搭車訓覺,聽導遊講歷史,最後0係出邊曬太陽曬到天黑...唉...5日4夜既野邊度講得曬呢!?還定日日都差唔多係咁上下架啦...5_5

7月8日晚11點半返到香港,坐巴士返黎屯門係凌晨2點,周圍見到D曱由隨街走,睇到我起曬雞皮...

7月9日就真係破曬個人紀錄囉...一日訓足14個鐘,不過我諗都應該未補返0係北京既果幾日的睡眠....

7月10號返學校參加畢業典禮...0_0好神奇啊,我竟然有獎攞wow...攞左個中國文學第一名..然後放左學就送手信比d朋友,各個都好鐘意..(當然啦~我買架嘛^0^哈哈)

7月11號係家長日,全班得9個可以直升中五,我係其中一個,哈哈,都幾開心架..不過最大問題都係英文,如果英文唔得既話,下年都未必可以升到中六,到時我就玩完架啦...點算?

不過最慘都係斑斑,差0.4分就合格唔曬補考..唉...真可憐~

下午就同阿媽去左荃灣住左幾日,今日先返,返黎又好似冇咩野做wo..係咁啦~打住咁多先...

嗚~好攰...=w=