f.5 既書差唔多買曬,差一本英文未出,其他既中文,中史,文學,地理書都包曬書交,一d都冇曬到時間.

今日要返學校,早上8點半先知原來斑斑都同我一樣去補課,佢仲早左出門,話0係我屋企樓下等我,之後行去車站,見到架巴士係眼前飛過,我先知道原來我地遲左,個斑斑就成個"先知"咁猛咁話我"你依家先知遲左?",後尾冇計啦,冇綠燈咪衝紅燈囉,平時紅燈又唔多見有車經過,今次沖紅燈偏偏有架的士過咪黎,我就盲下盲下沖左紅燈先知道隔離黎緊架車,我諗我地一定嚇親個司機,沖紅燈都唔洗咁光明正大呱~

到左學校比返左d野比hina,之後在302補地理,就算李sir要走,最後一堂佢教,但係都阻唔到我地班既"口水陣",原本地下裝修令到d檯已不停咁震...再加咪d同學仔既音量,搞到連耳膜都震咪...震到完全冇心機聽阿sir講書=.=

所以返左學3個鐘,可以話係完全冇學到野...

12點多d我地放左之後,阿sir終於都話要請我地吃野,冇辦法啦~原本約左斑,kt佢地去市中睇書既,依家只好拉咪佢地一齊等我吃完野先去啦...我相信佢地0係聽到呢個"好消息"之後一定係心入面"非常感激"我,我明架...嗯嗯!

加咪sir 11個人就逼0係安定既m記度吃野,而斑就同kt係其他地方等我,到左差唔多2點,先吃完..慢死~

跟住我地3個就又去左市中買左書,冇舊書就去到屯輝買新書,買完之後經我提議又去左芳既屋企"打劫",哈哈哈...有好多收穫架,被我攞左4張碟..哈哈哈...如果可以唔還就好lu...嘻嘻嘻

係呀!!!最最重要既事唔記得左講,就係0係我地躲避緊市中果d"麻煩人",我去到一間漫畫店入面,見到隻貓啊!!!哇....佢好好好好好得意啊!!!佢應該係本地貓黎既,我有行過去諗坐摸下佢,跟住個老板娘望住我話我係唔係比隻貓嚇親...哈哈...點會呢,鐘意都黎唔切^_^之後我有摸佢呀!佢竟然比我摸wo,仲非常非常聽話tim...哇....好得意架!

我好鐘意貓架!!真係非常想自己養返隻,今日係第一次咁距離同貓接觸架...佢d毛摸落去好舒服,又聽話wo,仲乖過我細佬!

另外又有一隻黑多白少既唔知叫咩貓,又係好聽話個隻!!!哇....真係愈來愈鐘意!!如果可以日日都見到佢地就好la...!!